Ballina Aktualitet ”Bomba në shkolla”/ Tetova në alarm (VIDEO+FOTO)

”Bomba në shkolla”/ Tetova në alarm (VIDEO+FOTO)

Mëngjesin e sotëm në shkollat fillore “Liria” dhe “Kirili dhe Metodi” të Tetovës ka pasur raportim për bomba të vendosura. Është kryer evakuimi ndërsa punohet në zbardhjen e rastit, shkruan Portalb.mk.

“Deri më tani në SPB Tetovë është raportuar se kërcënime për mjet shpërthyes janë dërguar në adresat elektronike të shkollave dy shkollave fillore në Tetovë . Menjëherë pas marrjes së denoncimeve, nga punonjësit e policisë janë marrë masat për evakuimin e sigurt nga objektet dhe po vijojnë kontrollet antiterroriste dhe po merren masa për zbardhjen e rasteve”, njoftuan nga Sektori për Punë të Brendshme (SPB) Tetovë.

Ky është emaili që ka arritur në shkollat e Tetovës për BOMBAT

Udhëheqësi i sektorit për veprimtari publike në Komunën e Tetovës, Nazmi Dauti deklaroi se paraprakisht si komunë kanë pasur kontakt me organet e rendit ku kanë qenë në komunikim të vazhdueshëm me të gjithë shkollat që të reagojnë.

“Menjëherë i larguam nxënësit nga shkolla duke mos përhapur panik, nga ana e drejtorisë së shkollës është bërë një reagim shumë i mirë kinse bëhet dezinfektim i shkollës dhe fëmijët duhet të largohen nga objekti. Menjëherë lajmëruam organet e rendit dhe të njëjtit erdhën në vendin e ngjarjes dhe konstatuan se ky është një lajm i rrejshëm”, tha Dauti.

Drejtoresha e Shkollës “Liria”, Mamudie Ameti tha se reagimi i parë ka qenë të mos bëjnë panik para nxënësve.

“I kemi mbledhur nxënësit, me qetësi i kemi nxjerrë jashtë. Për 5-6 minuta kanë dalë të gjithë nxënësit nga ambientet e shkollës. Meqë policia na jep të dhënë se nuk ka asgjë, do futemi në shkollë, meqë e kanë pa të arsyeshme se ne mund të hyjmë në ambientet e shkollës, sot më duk do futemi prej nesër do vazhdojmë”, tha Ameti.

Kreu i Komunës së Tetovës apeloi për ruajtje të qetësisë dhe të mos krijohet panik.

“Njëkohësisht njoftojmë se në shkollat tjera fillore si dhe shkollat e mesme nuk ka ndonjë paralajmërim të tillë dhe situata është në kontroll. Sektori i arsimit pranë komunës së Tetovës me sugjerim të organeve shtetërore të sigurisë ka shtuar kujdesin dhe mbikëqyrjen e shkollave dhe në vazhdimësi janë në komunikim me udhëheqësit e shkollave dhe organet e shtetit për sigurinë në vend”, shkroi Bilall Kasami.

Raporti i parë i rremë për bombë të vendosur ka ndodhur më 26 tetor, çka rezultoi në boshatisjen e pesë shkollave të mesme të Shkupit. Që atëherë, raportet janë dërguar rregullisht, ndërsa raportime përveç shkollave janë dërguar edhe në adresat elektronike në aeroportin e Shkupit, ndërtesat e banimit dhe qendrat tregtare. Shumica e raporteve dërgohen në Shkup. Të gjitha raportimet u gjetën të rreme.

MPB deri më tani ka bërë padi penale ndaj dy të miturve, të cilët kanë përdorur kërcënimet hibride për të bërë alarm të rremë, ky rast i referohet vetëm dy prej dhjetëra kërcënimeve të rreme me bombë. Për pjesën tjetër të kërcënimeve, që cilësohen si sulm hibrid ndaj shtetit, autori apo autorët ende nuk janë zbuluar.

Artikulli paraprak“To Vima”: Si mαfia shqiptare po përgjαk rrugët e Athinës
Artikulli tjetërBurri rreh gruan dhe djalin në Tetovë /Lajme të tjera nga kronika e zezë e Pollogut