Administrata Trump po përpiqet të sqarojë kronologjinë se kur familja e personit të dyshuar si autor i sulmit mësoi për shkrimet e tij — dhe kur e njoftoi policinë lokale në Connecticut — thanë për CNN disa burime të njohura me çështjen.
Shtëpia e Bardhë fillimisht i tha CNN-it se vëllai i të dyshuarit, Cole Tomas Allen, e kishte njoftuar Departamentin e Policisë së New London-it për një “manifest” të dyshuar që Allen ua kishte dërguar anëtarëve të familjes së tij pak minuta para incidentit të së shtunës në mbrëmje. Në atë kohë, një zyrtar i Shtëpisë së Bardhë tha se familja e kishte njoftuar policinë dhe se edhe ky kontakt kishte ndodhur pak minuta para incidentit.
Megjithatë, tani një zyrtar i Shtëpisë së Bardhë dhe një zyrtar i administratës thonë se kronologjia mbetet e paqartë. Ndërsa i dyshuari u kishte dërguar familjarëve të tij atë që disa në administratë po e quajnë “manifest”, afërsisht 10 minuta para incidentit, një burim tha se familja nuk i kishte lexuar dhe as raportuar këto shkrime te autoritetet vendore deri pas ngjarjes.
Megjithatë, një burim tjetër tha se FBI ende po e heton në mënyrë aktive këtë çështje dhe hezitonte të konfirmonte me saktësi si momentin kur familja mësoi për këto shkrime, ashtu edhe momentin kur ajo njoftoi forcat e rendit./cnn
