Një ngjarje e rëndë ka ndodhur ditën e sotme në Kosovë. Gazetarje e medias online “Telegrafi”, Qendresa Rashiti Hulaj ka humbur jetën si pasojë e një goditje në zemër në moshën 27 vjeçare bën të ditur media kosovare.
Mësohet gjithashtu se Qendresa ishte e martuar dhe nënë e një vajze.
“Sot, papritmas ka ndërruar jetë punëtorja e Telegrafit, Qendresa Rashiti-Hulaj. Qendresa ndërroi jetë në moshën 27 vjeçare, pas një sulmi në zemër. Ajo ishte e martuar dhe nënë e një vajze.
Me ikjen e hershme në amshim të Qendresës, Telegrafi mbeti pa punëtoren e shkëlqyeshme dhe pa kolegen shembullore. Varrimi i të ndjerës bëhet nesër (e diele) në orën 13:00 në varrezat e fshatit Prejlep të Deçanit.
Ngushëllimet më të sinqerta familjes Rashiti dhe Hulaj”, thuhet në postimin e Telegrafit. /albeu.com/
