Ballina Kronika E mbijetuara e aksidentit mes lotësh tregon si rodhi ngjarja në tragjedinë...

E mbijetuara e aksidentit mes lotësh tregon si rodhi ngjarja në tragjedinë e Slavonski Brodit (VIDEO)

E mbijetuara e aksidentit mes lotësh tregon si rodhi ngjarja në tragjedinë e Slovonski Brod

Marta Roshaj është një nga udhëtaret e mbijetuar në tragjedinë e autobusit që u përfshi në një aksident trafiku në autostradën afër Slavonski Brodit në Kroaci.

Në momentin e aksidentit, Roshaj thotë se ishte duke u lutur.

“Isha duke u lutur. Po kërkoja se ku është djali im dhe nipi. Ata ishin të gjithë brenda, ishin tre persona: një grua dhe burri im mbi ta. Ata e nxorën jashtë burrin tim dhe gruan, pastaj nxorën djalin e saj”, shprehet Roshaj mes lotësh.

Ajo nuk e dinte se çfarë po ndodhte menjëherë pas aksidentit.

“Ishte diçka e tmerrshme, nuk mund të flas. Ndodhi brenda një minute. Nuk e dija se çfarë ndodhi. Zoti u jep të tjerëve forcë. Unë as nuk mund të flas”, shton ajo.

Kujtojmë se 10 persona kanë humbur jetën dhe mbi 40 të tjerë janë lënduar në një aksident trafiku sot në afërsi të Slavonski Brod të Kroacisë, kur një autobus nga Kosova doli nga rruga duke shkaktuar aksident.

Shoferi i autobusit është arrestuar dhe sipas dëshmisë së tij dhënë policisë kroate, atë në momentin tragjik e kishte zënë gjumi.

Autobusi po vinte nga Frankfurti i Gjermanisë për në Kosovë.

Në autobus ishin 69 pasagjerë.

VIDEO

@tetovanewsE mbijetuara e aksidentit mes lotësh tregon si rodhi ngjarja në tragjedinë e Slavonski Brodit♬ original sound Tetova News

Artikulli paraprakVëllai i shoferit që vdiq në Kroaci tregon bisedën e fundit: Na njoftoi se kanë arritur shëndoshë e mirë në Austri
Artikulli tjetërKurti nga Slavonski Brod: Një ditë shumë e rëndë për gjithë popullin tonë (VIDEO)