Ballina Aktualitet Media serbe për takimin Rama-Kurti: Shqipëria dhe Kosova do të bashkohen

Media serbe për takimin Rama-Kurti: Shqipëria dhe Kosova do të bashkohen

“Shqipëria dhe Kosova do të bashkohen”, kështu e nis artikullin media serbe b92.net.

Një shkrim kushtuar takimit të sotëm të mbajtur nga dy qeveritë në qytetin e Elbasanit, ajo e Kosovës dhe Shqipërisë, mediumi serb është ndalur tek deklaratat e kryeministrit Edi Rama dhe kryeministrit të Kosovës Albin Kurti, të cilët u pyetën nga gazetarët e pranishëm për një bashkim të dy shteteve.

“Kryeministri i Shqipërisë Edi Rama është shprehur se beson se Shqipëria do të bashkohet me Kosovën. Rama shtoi se nuk e dinte se kur do të ndodhe kjo”, shkruan media serbe ndërsa ka cituar pjesë nga deklarata e Ramës: “Nëse më pyesni hipotetikisht për një referendum paqësor për bashkimin kombëtar, do të shkelja ligjin për fshehtësinë e votimit – e them hapur do votoja pro. Në rast se pyesni nëse do të ndodhë kjo apo jo, duke provokuar, unë them do të ndodhë, por se kur nuk e di. Por do të ndodhë një ditë”.

Artikulli paraprakHUMBI DJALIN NÊ AKSIDENT/Flet Orhan Aliti, i mbijetuari i tragjedisë në autostradën “Struma” të Bullgarisë (VIDEO)
Artikulli tjetërE rëndë në Vlorë/ Nëna merr fëmijën në krah dhe hidhet nga kati i pestë! Gruaja vdes në vend, djali ndërron jetë në spital (VIDEO)