Ballina Aktualitet LIVE/ Basha brenda, Berisha jashtë! Shqyhet dera e PD-së, Berisha kërkon vetëpërmbajtje

LIVE/ Basha brenda, Berisha jashtë! Shqyhet dera e PD-së, Berisha kërkon vetëpërmbajtje

11:30 – Shqyhet dera, mbështetësit e Berishës futen në selinë e PD
Mbështetësit e Berishës kanë shqyer derën kryesore të selisë së Partisë Demokratike duke u futur me forcë aty. Një numër i madh i tyre janë mbledhur para selisë së demokratëve ku një numër i konsiderueshëm u futën brenda.

Ata kërkojnë largimin e Bashës nga drejtimi i PD-së. Një ditë më parë, ish-kryeministri Berisha tha se do ta shoqëronin Bashën “miqësisht jashtë selisë së PD-së”.

Teksa po dilte nga banesa e tij, ish-kryeministri Berisha kërkoi vetëpërmbajtje nga mbështetësit e tij, pasi ata shqyen derën e Partisë Demokratike.

10:58 – U godit nga mbështetësit e Berishës, Roland Bejko: I kam mbajtur me bukë në shtëpinë time
Roland Bejko është larguar nga selia blu pasi është shtyrë nga demokratët të cilët e kanë ndjekur deri në rrugë duke tentuar ta qëllojnë me çadër. Ai tha se personi që e ka qëlluar dikur ka ngrënë bukë në shtëpinë e tij ndërsa shtoi se deri këtu ka mbërritur përçarja e demokratëve. Bejko theksoi se nuk do bëjë kallëzim në polici ndërsa u bëri thirrje Berishës të mbajë nën kontroll demokratët që ka thirrur në protestë.

 

Artikulli paraprak6 lojtarët që Conte pritet t’i nxjerrë në shitje
Artikulli tjetërKaosi dhe shkatërrimi i selisë së PD-së, OSBE: Po ndjekim gjithçka