Ballina Kronika Ishte duke prerë dru në pyll, vdes 39-vjeçari pasi e zë lisi...

Ishte duke prerë dru në pyll, vdes 39-vjeçari pasi e zë lisi poshtë

Një 39-vjeçar ka vdekur sot në fshatin Burnicë të Gjilanit, si pasojë e rënies së lisit mbi të, ndërsa ishte duke prerë dru.

Lajmin për Gazetën Express e konfirmoi zëdhënësi i Policisë së Kosovës për rajonin e Gjilanit, Ismet Hashani.

Ai tha se viktima ishte banor i komunës së Kaçanikut.

“Sot me datën 09.08.2022 rreth ores 16:53 kemi pranuar informatë se në fshatin Burincë – komuna Gjilan personin shqiptar shtetas i kosovës (1983 ) me vendbanim në komunë të Kaqanikut ishte duke prerë drunjë , në një moment një lis e ka zënë duke I shkaktuar lëndime të rënda trupore. Nga lëndimet e marrura rreth ores 18:00 mjeku kujdetar në vendin e ngjarjes ka konstatuar vdekjen e personit, janë njoftuar njësite relevante për tu marrë me rastin”, tha Hashani.

Tutje ai tha se me urdhër të prokurorit të shtetit, trupi i pajetë i viktimës do të dërgohet në IML.

“Ky rast i rëndë është duke u hetuar nga policia e Kosovës njësitet e hetimeve rajonale”, tha Hashani.

Artikulli paraprakKRONIKA E ZEZË | Tetovë dhe Gostivar | 08.08.2022
Artikulli tjetërZbulohet arsyeja se përse e kruajmë kokën kur mendojmë