Ballina Kronika Aksident tragjik në Kosovë, 2 të vdekur dhe 1 i plagosur nga...

Aksident tragjik në Kosovë, 2 të vdekur dhe 1 i plagosur nga përplasja “kokë më kokë” e makinave

Një aksident i rëndë ka ndodhur në Kosovë, në rrugën Komoran-Carralevë. Si pasojë e aksidentit bëhet me dije se kanë ndërruar jetë dy persona dhe është plagosur një i tretë.

Lajmin e ka konfirmuar për Klankosova.tv zëdhënësja e policisë për rajonin e Prishtinës, Flora Ahmeti.

Ajo theksoi se në aksident ishin të përfshira dy vetura, ku morën lëndime të rënda tre persona.

“Rreth orës 17:00 kemi pranuar informatën se në rrugën Komoran -Carralevë, ka ndodhur një aksident trafiku me pasoja fatale. Në këtë aksident kanë qenë të përfshira dy automjete, të cilat kanë qenë në lëvizje. Si pasojë e aksidentit lëndime të rënda trupore kanë pësuar tre persona, dy prej tyre nuk kanë arritur të përballojnë plagët dhe të njëjtit kanë ndërruar jetë. Vdekjen e tyre e ka konstatuar ekipi mjekësor në vendngjarje. Me rastin po merret hetuesia nga njësiti i trafikut rrugor”, tha Ahmeti.

Artikulli paraprakRishi Sunak merr nesër detyrën si kryeministër i Britanisë te mbreti Charles
Artikulli tjetërVetëdorëzohet në polici shqiptari që vrau gruan e tij rumune