Ballina Kronika “Sigurohu që mos ta vjedhin buzëqeshjen” – Iku në lule të rinisë,...

“Sigurohu që mos ta vjedhin buzëqeshjen” – Iku në lule të rinisë, kjo është 19-vjeçarja shqiptare e vrarë në Greqi

Vajza që shihni në fotot e mëposhtme është 19-vjeçarja Kristjana Brakaj. Ajo u vra me armë zjarri pistoletë nga i dashuri i saj Qamil Taja, teksa qendronte në divan në banesë ku bashkëjetonin në lagjen Kaminia të Pireut, Greqi.

Krimi i rëndë ndodhi pas një debati për shkaqe xhelozie, teksa Taja ndodhej dhe nën efektin e kokainës. Sipas fqinjëve, marrëdhënia e tyre nuk ishte aq dhe harmonike, pasi mes tyre ka pasur debate, grindje të shpeshta.

Në një prej postimeve të saj në rrjete sociale, Kristjana shkruante: “Pavarësisht se sa shumë të lëndojnë ata përreth teje, sigurohu që të mos ta vjedhin buzëqeshjen”.

Ndërsa në profilin e saj shkruhej: E vërteta që shqetëson, vlen më shumë se një gënjeshtër që është e përshtatshme!

Ata punonin në lokale të ndryshme përgjatë natës dhe kanë nisur të debatojnë pasi u kthyen nga puna në shtëpi.

Qamil Taja, nën ndikimin e kokainës, ka nxjerrë armën dhe teksa 19-vjeçarja po qëndronte në divan e ka qëlluar disa herë në kokë dhe në gjoks, duke i shkaktuar vdekjen. Ai ka marrë armën, e ka fshehur në frigorifer dhe menjëherë është larguar nga banesa duke ka dalë në rrugë.

“Kam bërë shëtitje për të qetesuar mendjen”, mësohet se ka thënë ai, por siç pretendon, sapo ka kuptuar se çfarë kishte bërë, ka shkuar në Komisariat dhe ka pranuar krimin.

“Është koha të dorëzohem sepse kam vrarë partneren time në banesë”, ka deklaruar ai me qetësi para efektivëve.

Policia ka shkuar me shpejtësi në shtëpinë e çiftit që ndodhet në rrugën Vamva dhe ka gjetur gruan fatkeqe të shtrirë të vdekur në një pellg gjaku.

Sipas dëshmisë në polici, autori është shprehur se përleshja mes tyre nisi pasi ishte xheloz për partneren e tij. I zemëruar dhe nën ndikimin e drogës, e vrau me pistoletën që ia kishte marrë rreth një vit më parë disa rumunëve.

Artikulli paraprakBundestagu miraton ndryshime në lejen e qëndrimit në Gjermani
Artikulli tjetërVIDEO/ IKMT hedh në erë “Prestige Resort”. 70 kg eksploziv për të shembur miliona euro investim, një ditë para se të jepte vendim Gjykata Administrative