Frutat e thata janë shumë të pasura me yndyrna të shëndetshme për trupin. Ato janë burim i proteinave bimore, prandaj janë thelbësore për dietat vegjetariane dhe vegane, si dhe rekomandohen për ata që kërkojnë të humbin peshë ose të rrisin masën muskulore. Ky është përfundimi i një studimi spanjoll.
Arrat, lajthitë dhe bajamet na ndihmojnë të kontrollojmë ngopjen, prandaj futja e tyre në dietën tonë rekomandohet për shkak se janë të pasura me proteina, fibra, vitamina, minerale dhe antioksidantë. Frutat e thata ndihmojnë në parandalimin e sëmundjeve kronike, inflamacionin dhe ul rrezikun e kancerit.
Siç tregon dietologu Miquel Girones, “rekomandohen rreth 30 gramë fruta të thata në ditë” dhe “opsioni më i mirë është të konsumohen pa kripë, sheqer apo mjaltë”.
Kështu, sipas tij, futja e frutave të thata në dietë do të shmangë shtimin në peshë dhe do të na ndihmojë të kontrollojmë peshën tonë.
