Ballina Aktualitet Marrëdhëniet Kosovë-Serbi, SHBA: Nuk imponojmë vendime apo zgjedhje

Marrëdhëniet Kosovë-Serbi, SHBA: Nuk imponojmë vendime apo zgjedhje

“Kosova dhe Serbia duhet të marrin vendime të vështira për të përmirësuar dhe ruajtur marrëdhëniet, për më tëpër për të ardhmen, pa thyer marrëveshjet që kanë me njëra-tjetrën”, kështu është shprehur gjatë një interviste për “Zërin e Amerikës”, ndihmës Sekretarja amerikane e Shtetit për Çështjet e Evropës dhe Euroazisë, Karen Donfried.

Ajo thekson se SHBA apo Bashkimi Evropian nuk janë vënë në pozitën imponuese për një zgjidhje të situatës konfliktuale që kanë të dyja shtetet ndër vitet me njëra-tjetrën, por qëndrojnë të bashkuara për të ndihmuar në zgjidhjen më të mirë të mundshme për t’i ardhur në ndihmë të dyja vendeve pa përjashtim.

‘Kjo mundësi është aty për Serbinë dhe Kosovën. Serbia dhe Kosova janë vende sovrane. Shtetet e Bashkuara dhe BE-ja nuk mund të imponojnë vendime apo zgjidhje. Ne po përpiqemi të jemi një forcë që sjell ndryshime të mira. Besoj thellësisht se qytetarët e Kosovës dhe qytetarët e Serbisë e shohin të ardhmen e tyre si anëtarë të plotë të komunitetit të Euro-Atlantik. Bashkimi Evropian prej vitesh ka ushqyer dhe po nxit një dialog. Shtetet e Bashkuara po e mbështesin këtë dialog, sepse ne besojmë se është rruga që Kosova dhe Serbia të bëhen anëtare të plota të komunitetit Euro-Atlantik. A ka vendime të vështira që duhet të marrin Kosova dhe Serbia? Absolutisht. A do të jemi aty për t’i mbështetur ato ndërsa marrin këto vendime të vështira? Patjetër’, tha ajo.

Ajo gjithashtu tha se Shqipëria i ka mbështetur të dyja vendet në mundësinë e një zgjidhjeje të duhur dhe shuarjes së konflikteve.

‘Ne e dimë që edhe Shqipëria do të jetë aty për t’i ndihmuar këto vende të marrin këto vendime të vështira. Por ne nuk mund t’ua imponojmë atyre. Ato duhet të duan atë të ardhme dhe të jenë të gatshme të marrin vendimet, që mund të duken të dhimbshme, nëse ajo është e ardhmja që duan. Po e përsëris, ne do të jemi përkrah tyre, por ne vetëm mund të ndihmojmë dhe të përpiqemi ta sigurojmë atë të ardhme. Kosova dhe Serbia janë ato që duhet të bëjnë punën e vështirë’, tha Donifried.

@tn.lajmelokale
@tetovanews