Sot do të zhvillohet ceremonia e varrimit e 35-vjeçarit Rrahim Latifi, trupi i të cilit u gjet dje në Liqenin e Ujmanit, pas disa ditë kërkimesh.
Lamtumira e fundit, do t’i jepet sot në varrezat e Shipolit, pas lutjeve të pasdrekës, në ora 16:44.
I ndjeri jetonte si mërgimtar në Suedi dhe ishte kthyer për pushime në Kosovë.
Trupi i Latifit u gjet pas një operacioni të përbashkët kërkimor nga Forca e Sigurisë së Kosovës (FSK), Policia e Kosovës, ekipet e kërkim-shpëtimit dhe KFOR-i, të cilët punuan pa u ndalur për gjetjen e tij.
Përndryshe, Latifi ishte hedhur nga ura në Ujman.
