Kamera e sigurisë ka kapur momentin e aksidentit në autostradën Tetovë–Shkup, ku humbën jetën tre persona. Në pamje shihet se si vetura, me një kthesë të papritur majtas, hyn në kahun e kundërt të lëvizjes dhe përplaset me autobusin.
Sot (31 korrik), në ora 15 e 45 minuta, në policinë e Tetovës, është raportuar se në autostradën Tetovë-Shkup në kryqëzimin “Verii”, ka ndodhur një aksident trafiku midis një automjeti pasagjerësh “Opel Astra” me targa të Tetovës, i drejtuar nga një 59 vjeçar nga Tetova dhe një autobusi “Man” me targa të Shkupit, i drejtuar nga një 62 vjeçar nga Tetova. Në aksident kanë humbur jetën shoferi dhe pasagjerët e moshës 55 vjeçare 71 vjeçare nga Tetova, ndërsa një pasagjer tjetër nga Tetova ka pësuar lëndime trupore dhe do të mbahet nën vëzhgim në Spitalin Klinik të Tetovës.
