Kryetari i Partisë Demokratike të Kosovës, Bedri Hamza, ka kritikuar ashpër kryeministrin Albin Kurti, duke thënë se “ofertat” e tij për zgjidhjen e çështjes së presidentit nuk janë serioze.
Hamza ka deklaruar se Kurti po tenton t’ia hedhë fajin opozitës për bllokadën institucionale, duke e akuzuar për mungesë vullneti për bashkëpunim dhe kompromis politik.
Sipas tij, Partia Demokratike e Kosovës ka ofruar zgjidhje konkrete dhe figura unifikuese, por ato nuk janë marrë parasysh, duke e shtyrë vendin drejt një situate të re politike dhe zgjedhjeve të mundshme.
