Ballina Aktualitet Ndalesë për automjetet e rënda në Strazhë, Gjavato dhe në akset Tetovë...

Ndalesë për automjetet e rënda në Strazhë, Gjavato dhe në akset Tetovë – Kodër e Diellit dhe Mavrovë – Dibër

Në kalimin malor Strazhë këtë mëngjes prej orës 06:30 është vendosur ndalesë për lëvizjen e automjeteve të rënda. Ndalesa për kamionë ka edhe në drejtimin Tetovë – Kodër Dielli, si dhe në kalimin malor Gjavato.

Nga ora 06:35 është ndaluar qarkullimi i automjeteve të rënda edhe në rrugën Mavrovë-Dibër.

Për llojet e tjera të automjetit është e detyrueshme pajisje dimërore, informojnë nga Lidhja Auto Moto e Maqedonisë dhe N.P. “Rrugët e Maqedonisë”.

Në rrugët tjera komunikacioni po vijon nëpër rrugë të lagështa në disa vende më të larta ka mbetje të borës nëpër rrugë.

Intensitetit i komunikacionit në rrugët jashtë mjediseve të qytetit është i moderuar. Në vendkalimet kufitare nga ana e Maqedonisë së Veriut nuk ka pritje të mëdha për hyrje dhe dalje nga shteti.

LAMM rekomandon për shpejtësi të përshtatur të qarkullimit, respektimin e sinjalizimit të vendosur të komunikacionit dhe kujdes me drejtimin e automjetit, veçanërisht në rrugët nëpër malet, fushat dhe grykat malore ku ka mundësi për rrëshqitjen e dheut. Kjo veçanërisht për akset rrugore Katllanovë – Veles, Mavrovë – Dibër – Strugë – Vinicë – Berovë dhe Koçan – Dellçevë.

Prej 15 nëntorit filloi edhe detyrimi ligjor për mbajtjen e detyrueshme të pajisjeve dimërore, pavarësisht të gjendjes së motit. Ky detyrim vazhdon deri më 15 mars të vitit 2022.

Artikulli paraprakTragjedia me 45 viktima në Bullgari, sot publikohet rezultati nga ekspertizës
Artikulli tjetërAksident i rëndë në Kroaci: Përmbyset kamioni nga Maqedonia, automjetet që transportonte bien në rrugë