Ballina Shëndeti Buzët e plasaritura mund të tregojnë një gjendje serioze, kur duhet të...

Buzët e plasaritura mund të tregojnë një gjendje serioze, kur duhet të shqetësoheni

Për shkak të ndryshimit të motit, disa prej jush me siguri do të pësojnë tharje dhe plasaritje të buzëve. Edhe pse duket si një gjendje normale, ndonjëherë kjo mund të jetë vetëm një simptomë e një gjendjeje shumë më të rrezikshme. Buzët e plasaritura dhe të fryra mund të jenë rezultat i një alergjie.

Shkencëtari dhe kimisti Bruce Green tha se reaksioni alergjik mund të ndodhë për shkak të pastës së dhëmbëve, përbërësve të caktuar të buzëkuqit, ilaçet apo ushqimet e caktuara. Keiliti shfaqet si pasojë e dermatitit alergjik të kontaktit që prek buzët. Keiliti ndonjëherë mund të duket si ekzemë.

Shumica e rasteve prekin buzën e poshtme dhe megjithëse nuk është një gjendje e rëndë shëndetësore, mendohet se rrit rrezikun e kancerit të lëkurës.
Nëse keiliti nuk trajtohet, mund të zhvillohet në karcinomë skuamoze.Megjithatë, Bruce Green thotë se kjo gjendje është absolutisht e parandalueshme.

Në shumicën e rasteve, buzët e thata dhe të plasaritura shërohen vetë, duke përdorur ilaçe që mund të merren pa recetë. Nëse mjeku juaj përcakton se keni një buzë të infektuar, mund të përshkruajë një antibiotik ose krem ​​antimykotik. Nëse problemi nuk zgjidhet pas kësaj, ju mund të referoheni për teste.

Për të parandaluar plasjen e buzëve për çfarëdo arsye, hidratoni buzët, duke përdorur produkte pa aroma dhe substanca hipoallergjike.”Sigurohuni që produkti juaj të përmbajë SPF, sepse buzët tuaja kanë nevojë për mbrojtje nga dielli po aq sa pjesa tjetër e fytyrës dhe trupit. Merrni lëngje dhe mos i ngacmoni buzët me duar”, këshillon Bruce Green. /abcnews.al

Artikulli paraprakMbërrin në Kosovë gazetarja e parë ukrainase, Kurti e pret me lule
Artikulli tjetërPas martesës dhe jetës sekrete në Vjenë, Greta Koçi merr vendimin e papritur