Ballina Kronika Familja Magashi kërkon hetim edhe ndaj familjarëve të Sokol Halilit (VIDEO)

Familja Magashi kërkon hetim edhe ndaj familjarëve të Sokol Halilit (VIDEO)

Rrezart Magashi, djali i axhës së të ndjerës Hamide Magashi e cila u vra nga ish-bashkëshorti Sokol Halili në oborr të Gjinekologjisë, deklaroi se vetëvrasja e këtij të fundit nuk është dënim i mjaftueshëm që i ndjeri ia bëri vetes sot.

Magashi shtoi se familja dyshon se kanë qenë edhe disa persona aty pranë të dyshuarit të cilët e kanë kryer krimin me të bashkë.

“Në rastin ku ka ndodh ngjarja kanë qenë edhe tre persona, por nuk kemi ndonjë informacion për ta”, u shpreh ai, duke shtuar se e ndjera ka përjetuar dhunë edhe nga anëtarët e tjerë të familjes se ish-burrit.

Ndërkaq motrat e të ndjerës Hamide Magashi për Klan Kosova kanë deklaruar se janë në gjendje të rëndë emocionale. Edhe ato e quajtën të pamjaftueshëm dënimin që i dyshuari i dha vetes me vetëvrasje, dhe se hetimet nuk duhet të ndalen këtu, sepse siç thanë, në dhunën që e ka përjetuar motra e tyre kanë qenë të përfshirë edhe anëtaret e tjerë të familjes, dhe kërkuan që hetimet të vazhdojnë edhe ndaj tyre.

Artikulli paraprakI jepet lamtumira e fundit Hamide Magashit, shtatzënës që u vra nga ish-burri para QKUK-së (VIDEO)
Artikulli tjetërMomenti kur Sokol Halili ka lëvizur në rrugët e Suharekës në natën kur kreu vrasjen (VIDEO)