Ballina Kronika Qeni ndez tharësen e flokëve dhe i vë flakën shtëpisë

Qeni ndez tharësen e flokëve dhe i vë flakën shtëpisë

Një qen besohet se ka shkaktuar zjarr në shtëpi pasi ka ndezur aksidentalisht një tharëse flokësh.

Shërbimi Zjarrfikës i Essex tha se ishte thirrur në Hockley në prag të Krishtlindjeve dhe kishte gjetur dhomën e gjumit të përfshirë nga flakët.

Ata besojnë se qeni u hodh mbi një shtrat dhe ndezi tharësen e flokëve, duke bërë që përfundimisht t’i vinte zjarrin dyshekut.

Qeni po priste te dera e përparme kur u kthye pronari i shtëpisë. Të dy kishin nevojë për trajtim pasi kishin thithur tym.

 

Menaxheri i zjarrfikësve, Gary Shinn tha se njerëzit duhet t’i shkëputin gjithmonë pajisjet elektrike pasi i përdorin, shkruan Sky News.

Ai tha: “Pronari i shtëpisë ishte jashtë dhe kur u kthye e gjeti banesën plot me tym.”

“Ne besojmë se zjarri ka filluar për shkak se një tharëse flokësh ka mbetur në prizë afër një shtrati.”

“Ne mendojmë se qeni mund të jetë kërcyer më pas në krevat dhe të ketë ndezur tharësen e flokëve, duke bërë që përfundimisht t’i vinte flakën.”/Abcnews.al/

Artikulli paraprakAksidente të shumëfishta në Seattle: Automjetet përplasen si lodra në një rrugë të ngrirë (VIDEO)
Artikulli tjetërShkon në 18 numri i viktimave nga përmbytja e anijes në Tajlandë