Ballina Kronika U kapën me 11 kg heroinë në makinë, arrestohen 2 shqiptarët në...

U kapën me 11 kg heroinë në makinë, arrestohen 2 shqiptarët në Kroaci

2 shqiptarë të moshës 30 dhe 44-vjeçare, janë arrestuar nga policia kroate pasi në makinën e tyre janë gjetur mbi 11 kg heroinë.

Mësohet se dy shqiptarët kanë hyrë nga pika kufitare e Malit të Zi në Kroaci, dhe drogën me vlerë mbi gjysmë milioni euro e kishin fshehur në automjet, por u zbuluan nga qeni i policisë.

Rreth 20 pako me lëndë narkotike heroinë me peshë totale 11 kg, ishte fshehur të pjesën e brendshme të mjetit.

Dje më datë 10 janar rreth orës 11:30 në kontrollin kufitar hyrës ka mbërritur një mjet personal me targa shqiptare i drejtuar nga një 30-vjeçar, ndërsa pasagjeri ishte një 44-vjeçar, të dy shtetas të Shqipërisë”, njoftoi policia në faqet e saj.

Të dy shqiptarët, njëri shofer dhe dhe tjetri pasagjer u arrestuan dhe nga hetimi penal u konstatua se ata synonin të transportonin heroinën nga Shqipëria në tregun e Evropës Perëndimore.

Artikulli paraprak(FOTO) Naseri nga Tetova ka fermën me 4080 dhen dhe 50 kuaj: “Jam brezi i katërt që merrem me blegtori dhe jam i vendosur të vazhdoj ta zhvilloj fermën”
Artikulli tjetërKujdes! Këto pajisje harxhojnë energji edhe kur janë fikur