Ballina Argëtim Kuriozitete Asnjëherë nuk është vonë, gruaja mëson të shkruajë dhe lexojë në moshën...

Asnjëherë nuk është vonë, gruaja mëson të shkruajë dhe lexojë në moshën 104 vjeçare

Kutiyama, një grua 104-vjeçare në shtetin jugor indian të Kerala, ka dashur gjithmonë të shkojë në shkollë. Për shkak të martesës së hershme dhe fokusit te familja, nuk ka mundur. Por ëndrra e saj u bë realitet kur më në fund mori mundësinë për t’u bashkuar me një program arsimimi të sponsorizuar nga qeveria.

Në moshën 104-vjeçare, ajo mësoi të lexonte dhe të shkruante. Ajo arriti të marrë 89 nga 100 pikë nga testi i shkrim-leximit. Siç thotë ajo, donte të bëhej mësuese, por kjo nuk ndodhi pasi nuk shkoi në shkollë. “Gjithmonë kam dashur të studioj, por nuk e kam bërë kurrë sepse po bëja detyrat e shtëpisë.

Vëllezërit e motrat e mi gjithashtu nuk shkonin në shkollë. Unë isha 16 vjeç kur prindërit e mi më martuan. Kam punuar shumë në shtëpi, nga mbledhja e barit deri tek ushqyerja e bagëtive. Kështu që nuk mund të shkoja askund dhe nuk mund të shkoja në shkollë”, tha ajo. /abcnews.al

Artikulli paraprakVrau prindërit e ish-dashurit dhe copëtoi trupat e tyre, zbulohet data e gjyqit për Elona Kaleshin
Artikulli tjetërShtohen kufizimet/ Zvicra kërkon test PCR edhe për të vaksinuarit, Greqia ndalon hyrjen nga vendet e treta