Moti i keq dhe reshjet kanë përmbytur sot kryeqytetin duke shkaktuar problematika të shumta.
Raportohet se uji është futur në disa dyqane e godina, mes tyre edhe në godinën e re të televizionit Report TV.
Kjo ka bërë që ky televizion të ndërpresë transmetimin.
Përmbytjet në Report TV u shkaktuan nga problemet me kanalizimet në rrugën ‘Frosina Plaku’, pranë ish-parkut të Autobusave, ku ndodhet edhe godina e këtij televizioni.
