Presidenti Recep Tayyip Erdoğan zhvilloi një bisedë telefonike me Presidentin e Brazilit, Lula da Silva. Gjatë bisedës, Erdoğan tha se e vlerësojnë që Brazili nuk ka qëndruar i heshtur ndaj gjenocidit në Gaza.
Sipas një njoftimi nga Drejtoria e Komunikimit e Presidencës, në bisedën mes dy liderëve u diskutuan marrëdhëniet dypalëshe mes Turqisë dhe Brazilit, si dhe çështje rajonale dhe globale.
Erdoğan theksoi se do të vazhdojnë përpjekjet për të zhvilluar dhe avancuar marrëdhëniet mes Turqisë dhe Brazilit në shumë fusha.
Duke shprehur vlerësimin për faktin që Brazili nuk ka heshtur ndaj gjenocidit në Gaza dhe duke theksuar se Turqia i konsideron të rëndësishme të gjitha nismat që synojnë vendosjen e paqes së qëndrueshme në Gaza, Presidenti Erdoğan deklaroi se Turqia do të vazhdojë përpjekjet për t’i dhënë fund katastrofës humanitare në Gaza, për të siguruar paqen dhe për rindërtimin e Gazës.
