Ditën e sotme, në orën 15:00, në fshatin Brojë të Skenderajt i është dhënë lamtumira e fundit Haxhi Thaçit, babait të ish-presidentit të Kosovës, Hashim Thaçi.
Haxhi Thaçi ka ndërruar jetë ditën e shtunë më 16 mars, në moshën 87-vjeçare.
Në ceremoninë e varrimit morën pjesë familjarë, miq, politikanë nga Kosova, Shqipëria dhe nga Maqedonia e Veriut.
Hashim Thaçi nuk u lejua nga Specialja që të merrte pjesë në ceremoninë mortore të të atit.
Ai ndodhet në paraburgim në Hagë që në vitin 2020.
Megjithatë, Thaçi i ka dërguar një kurorë me lule të atit me mbishkrim “Në spital të thashë lamtumirë, babë. Nga Haga të them, mirupafshim në parajsë”.
Thaçi ka takuar për disa orë babanë e tij në Klinikën Interne të QKUK-së, pak ditë para se ai të ndërronte jetë. Thaçit iu mundësua vizita nga Specialja për shkaqe humanitare.
