Një sulm me thikë ka ndodhur këtë të shtunë në Turqi. Bëhet me dije se gjashtë persona kanë mbetur të plagosur pas një sulmi me thikë në Stamboll.Siaps mediave turke mes të plagosurve janë edhe katër oficerë policie. Dyshohet se autori i sulmit ka qenë nën efektin e narkotikëve.
Sipas raportimit të NTV (14 shkurt 2026), një incident i rëndë ka ndodhur në zonën Küçükçekmece të Stambollit, ku një person i dyshuar si përdorues i substancave narkotike sulmoi me thikë një patrullë policie.
Si ndodhi ngjarja
Sipas pretendimeve:
Gjatë patrullimit rutinë në zonë, personi iu drejtua policëve me fjalët:
“Pse po patrulloni, çfarë pune keni këtu?”
Ai i ofendoi efektivët dhe, sapo ata zbritën nga automjeti, i sulmoi me thikë.
Banorët e zonës, pasi dëgjuan zhurmat dhe britmat, njoftuan menjëherë policinë dhe ambulancën. Në vendngjarje u dërguan forca të shumta policore.
Përplasje dhe të plagosur
Gjatë ndërhyrjes:
Ndodhi një përplasje mes forcave të policisë dhe të afërmve të të dyshuarit.
6 persona mbetën të plagosur, përfshirë:
4 efektivë policie
2 qytetarë që tentuan të ndanin sherrin
Të plagosurit u transportuan në spital pas ndihmës së parë në vendngjarje.
Arrestimi
I dyshuari u vu në pranga nga policia. Paniku në rrugë u qetësua, ndërsa hetimet në vendin e ngjarjes vijojnë për të sqaruar plotësisht rrethanat.
