Përleshje me armë në një lokal nate në Shişli të Stambollit: 3 të plagosur, 1 në gjendje të rëndë
Tre persona u plagosën gjatë një mosmarrëveshjeje në një lokal nate në Shişli të Stambollit. Ato momente janë regjistruar sekondë pas sekonde nga klientët me celularët e tyre.
Ngjarja ka ndodhur mëngjesin e djeshëm në një lokal nate në lagjen Şişli Esentepe.
Sipas informacioneve të marra, mes dy palëve që kishin ardhur në lokalin e natës për t’u argëtuar ka pasur një mosmarrëveshje. Me nxehjen e gjakrave, palët nxorrën armët dhe qëlluan kundër njëri-tjetrit.
Ndërkohë që nga ngjarja kanë mbetur të plagosur 3 persona, klientët kanë përjetuar frikë të madhe. Këto momente janë kapur me celular.
Në pamjet shihet se klientët janë fshehur poshtë tavolinave për shkak të rrëmujës. Më pas të plagosurit nxirren nga lokali i natës, transmeton tetova.com sipas medieve turke.
