I mbijetoi goditjes nga rrufeja, kamerat filmuan momentin dramatik
Një burrë nga Staten Island, Nju Jork, ka shpëtuar mrekullisht pasi u godit nga rrufeja vetëm pak metra larg makinës së tij. Thomas Fahmy po ecte në Todt Hill Road pranë Windsor Road, kur një goditje e fuqishme e rrëzoi përtokë. Kamerat e sigurisë kanë kapur momentin kur ai papritur bie në tokë.
Fahmy tha se ndjeu një tronditje të fortë në të gjithë trupin, të shoqëruar me djegie, mpirje, therje dhe dhimbje të forta në të dyja këmbët. Pavarësisht goditjes, ai nuk humbi ndjenjat dhe arriti të ngrihej e të kërkonte ndihmë. Një banore, Stephanie Homan, dëgjoi thirrjet e tij për ndihmë dhe i shkoi menjëherë në ndihmë.
Staten Island man struck by lightning while walking to a dentist appointment.
Thomas Fahmy says he is grateful to be alive and went to church on Sunday to thank God for giving him another chance.
"Once the lightning bolt struck me, the initial sensations that I had throughout… pic.twitter.com/Ns11TGqB23
— Collin Rugg (@CollinRugg) September 1, 2026
Edhe pse nuk pësoi djegie të dukshme apo dëmtime të rënda, Fahmy u dërgua në Staten Island University Hospital, ku qëndroi nën vëzhgim gjatë natës dhe u lirua të nesërmen. Ai punon në zyrën e kongresmenes amerikane Nicole Malliotakis, e cila shprehu lehtësim që ai kishte shpëtuar dhe falënderoi personin që i dha ndihmën e parë, si dhe stafin mjekësor.
Pas ngjarjes, Fahmy tha se përvoja i ka ndryshuar mënyrën se si e sheh jetën. “Duhet ta vlerësojmë jetën, të buzëqeshim, të marrim frymë dhe të mos lejojmë që jeta të na pushtojë”, u shpreh ai. Sipas Qendrave Amerikane për Kontrollin dhe Parandalimin e Sëmundjeve, rreth 37 milionë rrufe godasin tokën në SHBA çdo vit, ndërsa rreth 90% e personave që goditen nga rrufeja mbijetojnë.
/vizionplus.tv
