Ballina Kronika 58 kg kanabis në drejtim të Maqedonisë së Veriut, kush është 28-vjeçarja...

58 kg kanabis në drejtim të Maqedonisë së Veriut, kush është 28-vjeçarja që u arrestua në Qafë-Thanë (VIDEO+FOTO)

Erisa Fero, 28-vjeçarja e vënë në pranga ditën e sotme nga policia e Pogradecit pasi u kap me 58 kg hashash në automjet është punonjëse e Agjencisë Kombëtare të Shoqërisë së Informacionit (AKSHI).

Erisa Fero 28 vjeçe është e reja e cila është arrestuar nga policia në Korçë, pasi bashkë me dy të tjerë, Likë Bashën dhe një 17-vjeçar u kapën me 58 kg kanabis në makinë në Qafë-Thanë, të cilin po tentonin ta trafikonin në Maqedoninë e Veriut.

Ndërsa Likë Basha rezulton të jetë djali i një biznesmeni nga Fushë-Kruja. Sipas të dhënave paraprake, dyshohet se lënda narkotike e kapur në Qafë-Thanë, vinte nga zona e Shkodrës.

3 të rinjtë janë arrestuar nga policia e Korçës pasi u kapën në Qafë-Thanë duke tentuar që të trafikonin lëndë narkotike kanabis në Maqedoninë e Veriut, ndërsa dy të tjerë, vëllezër, janë shpallur në kërkim.

Në vijim të operacionit ‘Restart’, nisur më 7 nëntor 2021, u arrestuan në flagrancë Erisa Fero, 28 vjeçe, banuese në Tiranë, M.K , 17 vjeç, banues në Krujë; Likë Basha, 32 vjeç, banues në fshatin Mafsheq, Krujë. Si edhe u shpallën në kërkim shtetasit F. S., 30 vjeç dhe G. S., 28 vjeç, banues në fshatin Piskupat, Pogradec.

Në bazë të informacioneve që kishte policia se në drejtim të Maqedonisë, nëpërmjet zonës së fshatit Lin, Pogradec, do të trafikohej një sasi e konsiderueshme lënde narkotike, ka kryer kontrolle në Qafë-Thanë. Policia ka ndaluar makinën tip “Volksëagen” pranë të cilit ndodhej shtetasi L. B.

Gjatë kontrollit në brendësi të makinës, në pjesën e bagazhit u gjetën dhe sekuestruan në cilësinë e provës materiale 58 kg lëndë e dyshuar narkotike kanabis. Nga hetimet e kryera rezulton se Erisa Fero dhe shtetasit M. K. e Likë Basha, kishin kryer transportimin e lëndës narkotike nga qyteti i Tiranës në drejtim të Qafë Thanës.

Po nga veprimet e para hetimore rezulton se trafikimin e sasisë së drogës në drejtim të Maqedonisë, do ta kryenin dy shtetasit e shpallur në kërkim F. S. dhe G. S. Në bashkëpunim me Prokurorinë, po vijon puna për dokumentimin e plotë të ngjarjes dhe vënien para përgjegjësisë penale të personave të tjerë të implikuar në këtë veprimtari kriminale.

Policia e Pogradecit ka vënë sot në pranga tre persona, të cilët akuzohen për transport të lëndëve narkotike, ndërsa në mjetin e tyre janë gjetur plot 58 kg hashash.

Të arrestuarit janë një 17 vjeçar me iniciale M.K., si dhe Likë Basha 30 vjeç dhe Erisa Fero 28 vjeç. Mësohet se Fero është punonjëse e Agjencia Kombëtare e Shoqërisë së Informacionit (AKSH).

Sipas informacioneve, droga ka qenë në automjetin e 28-vjeçares ndërsa dy personat e tjerë monitoronin rrugën.

Kjo e fundit ka udhëtuar nga Tirana me destinacion Qafë-Thanën, për të dorëzuar më pas drogën Likë Bashës për të transportuar më pas drejt Maqedonisë.

Në këtë rrjet trafiku dyshohet se janë bashkëpunëtorë edhe dy persona të tjerë, të cilët janë shpallur në kërkim. Ata dyshohet se janë porositësit e drogës.

foto galeri foto galeri foto galeri 123PreviousNext
Njoftimi i policisë:

Sekuestrohen 58 kg lëndë e dyshuar narkotike kanabis.

Në vijim të operacionit antidrogë të koduar “Restart”, nisur më datë 07.11.2021, specialistët e Seksionit për Hetimin e Trafiqeve të Paligjshme dhe Narkotikëve në Drejtorinë Vendore të Policisë Korçë, në bashkëpunim me Drejtorinë Vendore të Kufirit dhe Migracionit Korçë, nën drejtimin e Prokurorisë Pogradec, finalizuan me sukses fazën e trembëdhjetë të tij.

Si rezultat i saj, u bë arrestimi në flagrancë për veprën penale “Trafikimi i narkotikëve”, kryer në bashkëpunim, i shtetasve:

– E. F., 28 vjeçe, banuese në Tiranë; M. K., 17 vjeç, banues në Krujë; L. B., 32 vjeç, banues në fshatin Mafsheq, Krujë.

Si edhe u shpallën në kërkim shtetasit F. S., 30 vjeç dhe G. S., 28 vjeç, banues në fshatin Piskupat, Pogradec.

Shërbimet e Policisë në bazë të inteligjencës informative se në drejtim të Maqedonisë, nëpërmjet zonës së fshatit Lin, Pogradec, do të trafikohej një sasi e konsiderueshme lënde narkotike, kanë organizuar punën dhe në Qafë Thanë kanë konstatuar automjetin tip “Volksëagen” pranë të cilit ndodhej shtetasi L. B. Gjatë kontrollit në brendësi të automjetit, në pjesën e bagazhit u gjetën dhe sekuestruan në cilësinë e provës materiale 58 kg lëndë e dyshuar narkotike kanabis.

Nga hetimet e kryera rezulton se shtetasja E. F; dhe shtetasit M. K. e L. B., kishin kryer transportimin e lëndës narkotike nga qyteti i Tiranës në drejtim të Qafë Thanës.

Po nga veprimet e para hetimore rezulton se trafikimin e sasisë së drogës në drejtim të Maqedonisë, do ta kryenin dy shtetasit e shpallur në kërkim F. S. dhe G. S.

Në bashkëpunim me Prokurorinë, po vijon puna për dokumentimin e plotë të ngjarjes dhe vënien para përgjegjësisë penale të personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Pogradec, për veprime të mëtejshme.

Artikulli paraprakÇmimet në qiell, më pak blerës nëpër tregje (VIDEO)
Artikulli tjetërAksident i rëndë në Xhepçishtë të Tetovës, të përfshirë persona nga Tearca dhe Sllatina