Vijojnë kërkimet për 30 vjeçarin Jurgen Karaj, pasi automjeti me të cilin udhëtonte ai së bashku me 24 vjeçarin Andi Losha përfundoi në zallin e fshatit Dars në Bashkinë Klos.
Pasi në automjet nuk u gjet trupi i 30 vjeçarit, policia dhe polumbarët i zhvendosën kërkimet përgjatë shtratit të zallit të Darsit, por as aty nuk u gjet asgjë.
Më pas, kërkimet u shtrinë përgjatë shtratit të lumit të Matit për shkak se vendi i ngjarjes ishte shumë afër lumit. Dyshohet se rrjedha e madhe e zallit të Darsit ta ketë zhvendosur trupin e Jurgenit në lumin Mat.
Që prej orëve të paraqites forcat e policisë dhe grupe vullnetarësh janë shpërdnarë duke kërkuar në të gjithë shtratin e lumit.
Por për shkak të reshjeve të vazhdueshme të shiut, niveli i ujit në lumin Mat është shumë i lart dhe e bën të pamundur që t’i afrohesh.
Deri në orët e pasdites, nuk është gjetur asnjë shenjë e të riut, ndërsa kërkimet pritet të vijojnë pa ndërprerje./vizionplus.tv
Sipas policisë, Losha ka arritur të dalë nga makina dhe ka shpëtuar, ndërsa Karajin dyshohet se e ka marrë rrjedha e përroit. Pas ngjarjes, 24-vjeçari është arrestuar për shkak se nuk i ka dhënë ndihmë pasagjerit dhe është larguar nga vendngjarja.
Gjithashtu, Losha iu nënshtrua testit të alkoolit, nga i cili rezultoi se ka drejtuar mjetin në gjendje të dehur. Ndërkohë, vijojnë kërkimet për gjetjen e Karajt, ndërsa materialet procedurale janë referuar Prokurorisë për veprime të mëtejshme.
Tragjedi në Klos/ Makina bie në përrua, shoferi i dehur braktis shokun dhe ia mbath. 30-vjeçari zhduket në rrjedhë
Një aksident i rëndë ka ndodhur gjatë orëve të natës në fshatin Dars të Klosit, duke u kthyer në një skenë krimi për shkak të veprimeve të drejtuesit të mjetit. Policia ka arrestuar 24-vjeçarin A. L., pasi akuzohet se pasi ra me makinë në përrua, braktisi pasagjerin brenda mjetit dhe u largua pa njoftuar askënd.
Dinamika: Ora 01:30
Ngjarja ndodhi te “Ura e Darsit”. Mjeti tip “Audi” me targa angleze, i drejtuar nga 24-vjeçari, ka dalë nga rruga duke përfunduar në shtratin e përroit. Në mjet udhëtonte edhe pasagjeri J. K., 30 vjeç, banues në Fullqet (bashkëfshatar me shoferin).
Arratisja e shoferit dhe arrestimi
Hetimet zbuluan një sjellje shokuese të drejtuesit të mjetit:
Braktisja: Pas aksidentit, A. L. ka dalë nga mjeti dhe është larguar nga vendngjarja, duke mos i dhënë ndihmë shokut të tij 30-vjeçar dhe duke mos njoftuar Policinë apo ambulancën.
Alkooli: Pas kapjes dhe arrestimit nga Policia, testi i alkoolit konfirmoi se ai e drejtonte mjetin në gjendje të dehur.
Kërkimet për të zhdukurin
Dyshohet se rrjedha e fortë e përroit (e rënduar nga reshjet e fundit) e ka marrë me vete trupin e 30-vjeçarit J. K. Aktualisht, në vendngjarje ndodhen polumbarët e RENEA-s, shërbimet e Policisë dhe zjarrfikësit, të cilët po krehin zonën përgjatë rrjedhës për gjetjen e pasagjerit.
