Një sherr për vend parkimi në Beşiktaş të Stambollit ka përfunduar me vrasje. Një person u qëllua me armë zjarri dhe humbi jetën.
Gjatë konfliktit të nisur për shkak të parkimit të automjetit, një person u qëllua me pistoletë dhe ndërroi jetë, ndërsa i dyshuari u plagos pasi u rrah nga familjarët e viktimës.
Në lagjen Dikilitaş, mes F.T. (70) dhe E.Ş. (67) shpërtheu një debat për çështjen e parkimit. Me përshkallëzimin e debatit, E.Ş. hapi zjarr me armë, duke plagosur F.T.
Pas ngjarjes, familjarët e F.T. që mbërritën në vendin e ngjarjes, rrahën E.Ş. Pas njoftimit, në vendngjarje u dërguan forca policie dhe ekipe të emergjencës.
Ekipet mjekësore transportuan me ambulancë në spital F.T., i cili ishte plagosur me armë zjarri, si dhe E.Ş., i cili ishte rrahur. Pavarësisht ndërhyrjes mjekësore, F.T. ndërroi jetë në spital.
Dy persona të ndaluar nga policia lidhur me rrahjen, nën akuzën “plagosje me dashje”, u liruan nga autoritetet gjyqësore pas përfundimit të procedurave.
Ndërkohë, mësohet se i dyshuari E.Ş. vazhdon trajtimin në spital.
Gjithashtu, momenti kur i dyshuari E.Ş. u rrah nga familjarët e viktimës është filmuar me kamerën e telefonit celular nga një qytetar./tn
HASSAS | Beşiktaş'ta 67 yaşındaki şahıs, park nedeniyle tartıştığı 70 yaşındaki sürücüyü silahla vurdu.
• Hastaneye kaldırılan sürücü hayatını kaybetti.
• Hayatını kaybeden sürücünün yakınları saldırganı arabasından indirip darbetti.
• Olayla ilgili 3 kişi gözaltına… pic.twitter.com/z6xu4x3TIt— Boşuna Tıklama (@bosunatiklama) February 13, 2026
