Dy burra janë dënuar me burgim të përjetshëm për vrasjen e një burri gjatë një sulmi të paramenduar në York. Jobie Tyers, 28 vjeç, pa adresë të përhershme, dhe Michael Richard Mulvana, 32 vjeç, nga York-u, u shpallën fajtorë për vrasje pas një hetimi të gjerë nga North Yorkshire Police. Ata e goditën me thikë Indrit Mustafaj, 26 vjeç, i njohur me nofkën “Mustang”, dhe plagosën edhe një burrë tjetër si dhe një grua, pasi hynë me forcë në një dhomë banimi (bedsit) në zonën e Haxby Road në York.
Viktima e vrasjes së rëndë me hanxhar në një garsoniere në qytetin e York-ut ishte një emigrant shqiptar, i cili kishte shkuar në Mbretërinë e Bashkuar për të siguruar të ardhura për familjen e tij, u tha në Gjykatën e Kurorës në Leeds.
Indrit Mustafaj ishte larguar nga Shqipëria që në moshë të re, pasi babai i tij ishte i sëmurë rëndë dhe i paaftë për punë. Ai kishte udhëtuar i vetëm drejt Anglisë me synimin për të punuar dhe për të dërguar para për prindërit dhe dy motrat e tij.
Vdekja e tij i ka lënë familjarët të shkatërruar financiarisht dhe emocionalisht. Në një deklaratë personale, ata shprehën dhimbjen e thellë për humbjen:
‘Zgjohemi çdo ditë me dhimbje dhe flemë me pyetje. Ndikimi mbi ne është i paimagjinueshëm. Ai ishte i sjellshëm, i butë, ishte dashuria e jetës sonë.’
Sipas familjes, Indriti nuk e kishte parë më familjen e tij që nga dita kur u largua për në Angli. Atij iu deshën nëntë vite për të mbledhur paratë e nevojshme për biletën e kthimit dhe po planifikonte t’i surprizonte me një vizitë, por u vra vetëm një muaj para se të mbushte 27 vjeç.
Lajmi i vdekjes së tij tronditi rëndë nënën, e cila, sipas familjarëve, tani ‘jeton në heshtje’.
Megjithatë, ata thanë se nuk ndiejnë urrejtje ndaj autorëve të krimit, por kërkojnë drejtësi për të birin.
Gjykata dëgjoi se Indrit Mustafaj kishte udhëtuar çdo ditë për të paktën një javë nga Bradfordi në York, ku qëndronte në një garsoniere në rrugën Vyner, pranë Haxby Road. Në banesë ai merrte telefonata, ndërsa një grua dhe një burrë nga Yorku dilnin jashtë për të shitur drogë personave në rrugë.
Sipas dëshmive, Mustafaj mbante shpesh me vete një hanxhar, i cili ndodhej mbi shtrat në momentin kur autorët e krimit, të armatosur me një levë hekuri, hynë me forcë në banesë. Ata përdorën armën e tij për ta vrarë.
Pas dënimit me burg të Michael Mulvana, 32 vjeç, dhe Jobie Tyers, 35 vjeç, për vrasjen e Indrit Mustafajt, drejtuesja e hetimeve, Fran Naughton, deklaroi se viktima me shumë gjasë e mbante hanxharin për vetëmbrojtje.
‘Por duke pasur një thikë, rrezikon të armatosësh vetë sulmuesin tënd,’ tha ajo, duke shtuar se policia sheh shpesh pasoja tragjike të mbajtjes së armëve të ftohta dhe dhimbjen e madhe që ato lënë pas te familjarët e viktimave.
Postimi i plotë i North Yorkshire Police
Dy burra dënohen me burgim të përjetshëm për vrasjen me hanxhar në York
Dy burra janë dënuar me burgim të përjetshëm për vrasjen e një burri gjatë një sulmi të paramenduar në York.
Jobie Tyers, 28 vjeç, pa adresë të përhershme, dhe Michael Richard Mulvana, 32 vjeç, nga York-u, u shpallën fajtorë për vrasje pas një hetimi të gjerë nga North Yorkshire Police.
Ata e goditën me thikë Indrit Mustafaj, 26 vjeç, i njohur me nofkën “Mustang”, dhe plagosën edhe një burrë tjetër si dhe një grua, pasi hynë me forcë në një dhomë banimi (bedsit) në zonën e Haxby Road në York.
Burgim i përjetshëm: Jobie Tyers
Dy të pandehurit mbanin mbulesa fytyre dhe ishin armatosur me mjete, përfshirë një levë hekuri, me qëllim që t’u merrnin (“t’i taksonin”) banorëve droga që besonin se ndodheshin në banesë.
Gjatë sulmit, ata gjetën një hanxhar të madh (machete) në adresë, i cili u përdor për ta goditur disa herë me thikë z. Mustafaj.
Ai u dërgua në spital me plagë të rënda dhe ndërroi jetë si pasojë e prerjes së një arterie.
Dy viktimat e tjera morën trajtim mjekësor dhe të dyja u shëruan.
Detektivë nga Njësia e Hetimeve të Rënda e Policisë së North Yorkshire nisën një hetim të shpejtë pas incidentit, i cili ndodhi më 23 nëntor 2024. Tyers dhe Mulvana u identifikuan si të dyshuar dhe u arrestuan brenda një dite nga sulmi.
Vetëm tre ditë më vonë, ata u akuzuan për vrasjen e z. Mustafaj — i cili ishte me origjinë nga Shqipëria, por jetonte në Bradford — dhe dolën para Gjykatës së Magjistratëve në York.
Burgim i përjetshëm: Michael Mulvana
Çështja u dërgua në gjykatën e lartë (Crown Court), ku të dy u përballën me akuza për vrasje, grabitje dhe sulm. Tyers pranoi fajësinë për grabitje dhe mohoi akuzat e tjera, ndërsa Mulvana i mohoi të gjitha akuzat.
Megjithatë, juria i shpalli fajtorë pas një gjykimi që përfundoi të martën (3 shkurt).
Sot, një gjyqtar në Leeds Crown Court u dha të dyve dënim me burgim të përjetshëm. Secili do të duhet të vuajë minimumi 27 vjet e 295 ditë përpara se të merret parasysh lirimi i mundshëm nga burgu.
Duke folur pas seancës, Kryeintendentja Detektive Fran Naughton tha:
“Vdekja e z. Mustafaj ishte brutale dhe tragjike. Edhe pse sulmuesit e tij kishin sjellë armë për ta kryer këtë sulm të paramenduar, hetimi ynë tregoi se plagët fatale u shkaktuan me hanxharin që ata gjetën sapo mbërritën në dhomën e banimit.
Ai ndoshta ndodhej aty me qëllim vetëmbrojtjeje, në rast të një sulmi si ky. Por posedimi i një thike mund të përfundojë duke armatosur sulmuesin tuaj.
Si detektivë, fatkeqësisht shohim njerëz që humbin jetën në këtë mënyrë dhe shohim edhe ndikimin shkatërrues që kjo ka te familjet e tyre. Të dyja këto pasoja janë të tmerrshme dhe tregojnë sa e rrezikshme është mbajtja apo posedimi i thikave.
Mulvana dhe Tyers janë individë të dhunshëm, të cilët tani do të kalojnë një kohë jashtëzakonisht të gjatë në paraburgim për të reflektuar mbi veprimet e tyre.”
