Për shkak të ndërhyrjeve të planifikuara në rrjetin elektroshpërndarës, sot, më 3 shtator 2026, pa energji elektrike do të mbeten disa vendbanime dhe zona në rajonet e Tetovës, Kumanovës dhe Shkupit.
SLLATINË
Nga ora 09:00 deri në orën 14:00, pa energji elektrike do të mbetet një pjesë e fshatit Sllatinë, përkatësisht objektet përgjatë rrugës që çon nga xhamia drejt Leshkës.
JEGUNOVCË
Nga ora 09:00 deri në orën 15:00, ndërprerja do të përfshijë centralin fotovoltaik “Micropower”, objektin “Nelina Cafe” dhe trafostacionin “Sunny Park”.
JAZHINCË
Nga ora 09:30 deri në orën 14:00, pa energji elektrike do të mbetet një pjesë e fshatit Jazhincë.
TETOVË
Nga ora 09:45 deri në orën 13:45, pa energji elektrike do të mbetet një pjesë e Lagjes së Epërme, në rrugën drejt Banjicës.
KUMANOVË
Nga ora 07:45 deri në orën 14:45, ndërprerja do të përfshijë konsumatorët në rrugët “11 Nëntori” dhe “Trajko Jovanovski”, në lagjen Bedinjë.
BELLANOC
Nga ora 08:00 deri në orën 14:30, pa energji elektrike do të mbetet fshati Bellanoc, në komunën e Likovës.
SHKUP
Nga ora 09:00 deri në orën 14:00, pa energji elektrike do të mbeten pjesë të rrugëve 11 dhe 1 në Kadino.
Në të njëjtin orar, ndërprerja do të përfshijë edhe një pjesë të konsumatorëve në rrugët “Milan Zeçar”, “Vangel Todorovski”, “Pandil Shishkov” dhe “Rudi Çajavec”, në komunën e Aerodromit.
Për Gostivarin, Kërçovën, Dibrën dhe Strugën nuk figurojnë ndërprerje të planifikuara për sot.
Elektrodistribucioni sqaron se mund të ketë ndryshime në oraret e parashikuara, në varësi të kompleksitetit të punimeve dhe kushteve në terren.
