Një “Mercedes” ka përplasur një këmbësor në Sllupçan. Siç informon policia, mbrëmë në ora 21 e 40 minuta, në rrugën lokale të fshatit Sllupçan, Komuna e Likovës, automjeti i tipit “Mercedes”, me targa të Kumanovës, i drejtuar nga 56-vjeçari me inicialet Q.R, nga fshati Vaksincë, ka përplasur këmbësorin e moshës 51-vjeçare me inicialet M.I., nga fshati Sllupçan, transmeton flurudha.com
Pas aksidentit, M.I. me plagë të rënda trupore, me anë të autoambulancës së Ndihmës së Shpejtë është dërguar me urgjencë në Spitalin Klinik të Kumanovës.
Grupi hetimor i SPB-Kumanovë kreu hetimet në vendin e ngjarjes dhe po punohet për zbardhjen e rastit.
