Arabia Saudite ka deklaruar në një njoftim zyrtar se nuk do t’i lejojë Shteteve të Bashkuara të përdorin territorin apo hapësirën ajrore të këtij vendi për të kryer sulme ushtarake kundër Iranit. Ky vendim i Riadit u bë publik vetëm disa orë pas paralajmërimeve serioze të Teheranit drejtuar fqinjëve, ku kërcënoi me goditjen e bazave që strehojnë forca amerikane.
Zyrtarët sauditë kanë theksuar se prioriteti i tyre është parandalimi i përshkallëzimit të tensioneve dhe mbrojtja e stabilitetit rajonal, duke nënvizuar se nuk do të lejojnë që territori i Arabisë Saudite të përdoret si platformë për nisjen e një konflikti të ri ushtarak në Lindjen e Mesme./TetovaNews
