Nga Uzurmishti në Kopenhagë: Fadil Tairi, shqiptari që fitoi zemrat e lagjes me “La Sorpresa”
Një histori e bukur suksesi, pune dhe integrimi vjen nga Kopenhaga e Danimarkës, ku Fadil Tairi, me prejardhje nga fshati Uzurmisht, prej vitesh drejton picerinë “La Sorpresa”.
Tairit i është kushtuar një shkrim i veçantë me titullin “La Sorpresa”, ku ai prezantohet jo vetëm si pronar i një biznesi të suksesshëm, por edhe si një njeri që është bërë pjesë e pandashme e komunitetit lokal.
“Ky artikull më dha shumë kurajë dhe motivim. I falënderoj për vlerësimin dhe respektin”, shprehet Fadil Tairi për Tetova News.
Sipas shkrimit, “La Sorpresa”, që ndodhet në Tingvej 43, funksionon që nga viti 2018. Fadili kishte mbërritur në Danimarkë në vitin 2015 dhe, brenda vetëm pak vitesh, ishte bërë një figurë e njohur në lagje.
Banorët, thuhet në artikull, nuk e njohin vetëm si njeriun pas banakut apo pranë furrës së picave, por si Fadilin që i përshëndet në rrugë, interesohet për jetën e lagjes dhe tregon kujdes për njerëzit që kalojnë në lokalin e tij.
“I dua fqinjët e mi sikur të ishin familja ime”
Një pjesë e shkrimit mban titullin “Njeriu i lagjes”, ku theksohet marrëdhënia e veçantë që Tairi ka krijuar me banorët.
“I dua fqinjët e mi sikur të ishin familja ime”, citohet të ketë thënë ai, duke treguar se për të marrëdhënia me komunitetin ka një rëndësi të veçantë.
Edhe familja e tij paraqitet si pjesë e historisë së “La Sorpresa”. Në artikull thuhet se piceria është shumë më tepër sesa një biznes, pasi është një vend i ndërtuar mbi marrëdhëniet mes njerëzve – si atyre që punojnë pas banakut, ashtu edhe klientëve që hyjnë çdo ditë në lokal.
“Pica më e mirë e qytetit”
Autorët e shkrimit e prezantojnë “La Sorpresa” si një prej picerive më të vlerësuara të zonës.
Në artikull përmenden edhe vlerësimet e klientëve, të cilët e përshkruajnë si “vendin tonë të preferuar”, ndërsa veçojnë ushqimin, shërbimin dhe cilësinë e picave.
“Ushqim i shijshëm dhe shërbim jashtëzakonisht i mirë. Pica më e mirë në Amager”, thuhet në një nga vlerësimet e cituara.
Një klient tjetër veçon “brumin krokant dhe përbërësit gjithmonë të freskët”.
Megjithatë, përtej ushqimit, në shumë prej përshtypjeve spikat vetë Fadili, i cili përshkruhet si “shumë i sjellshëm dhe i kujdesshëm”.
Në mënyrë simbolike, në shkrim thuhet se picat marrin “5 nga 5”, ndërsa mirësjellja e pronarëve dhe angazhimi i tyre për komunitetin meritojnë “10 nga 5”.
Më shumë se një pronar picerie
Shkrimi i kushton vëmendje të veçantë edhe angazhimit social të Fadil Tairit.
Ai përshkruhet si një njeri që interesohet për atë që ndodh në lagjen e tij, ndihmon njerëzit dhe u kushton vëmendje të veçantë atyre që kanë më pak mundësi.
Një fjali domethënëse e përdorur në artikull është:
“Ai gjithmonë do të preferonte një tavolinë më të gjatë sesa një karrige më të lartë.”
Mesazhi është i qartë: për Fadilin ka më shumë rëndësi të ketë vend për sa më shumë njerëz pranë vetes sesa të kërkojë pozitë apo privilegj për veten.
“La Sorpresa” mbështet gjithashtu edhe sportin. Në shkrim thuhet se piceria sponsorizon dy ekipe futbolli, mes tyre Fremad Amager dhe një klub nga Ballerup. Ky i fundit e kishte falënderuar publikisht “La Sorpresa” për ndihmën në mbulimin e disa shpenzimeve të ekipit dhe për sigurimin e ushqimit dhe akulloreve gjatë një aktiviteti përmbyllës të klubit.
“Shtëpia e Fadilit është edhe shtëpia jote”
Edhe raporti me bizneset dhe institucionet përreth përshkruhet si shumë i afërt.
“La Sorpresa” dhe lokali fqinj Tingkroen ndodhen pranë njëri-tjetrit në Tingvej dhe, sipas artikullit, kjo afërsi është shndërruar në një bashkëpunim të natyrshëm në jetën e përditshme.
Në përfundim, autorët e përshkruajnë Fadilin me fjalë tepër të ngrohta:
“Pavarësisht nëse je skaut, fqinj, mysafir i lokalit, duke shkuar në koncert, në shtëpi apo në një festë, shtëpia e Fadilit është edhe shtëpia jote.”
Dhe shkrimi përmbyllet me një vlerësim të shkurtër, por domethënës:
“Ai është vërtet unik.”
Historia e Fadil Tairit është një shembull se si puna, korrektësia dhe marrëdhënia njerëzore me komunitetin mund ta shndërrojnë një biznes të vogël në shumë më tepër sesa një vend ku shërbehet ushqim – në një pikë takimi dhe afërsie mes njerëzve.
Shkrimi i plotë:
LA SORPRESA
Teksti: Michelle Kimi | Fotot: Fadil Tairi | Redaktimi i tekstit dhe fotografive: Selma Ranløv
Në adresën Tingvej 43 gjendet piceria më e mirë e qytetit – La Sorpresa.
La Sorpresa është në pronësi të Fadil Tairit dhe funksionon që nga viti 2018. Fadili erdhi në Danimarkë në vitin 2015 dhe, brenda vetëm pak vitesh, është bërë pjesë e pandashme e jetës së përditshme në Tingvej. Banorët nuk e njohin vetëm si njeriun që qëndron pas banakut apo pranë furrës, por si Fadilin që i përshëndet gjithmonë në rrugë, interesohet për jetën e lagjes dhe kujdeset me përkushtim për njerëzit që kalojnë aty.
Fadili ka një bashkëshorte të mrekullueshme, një vëlla dhe dy fëmijë fantastikë. Edhe familja është pjesë e historisë së La Sorpresa-s, sepse ky vend është shumë më tepër se një biznes: është një hapësirë e ndërtuar dhe e mbajtur gjallë nga njerëzit, si përpara, ashtu edhe pas banakut.
Njeriu i lagjes
Fadili ka shumë dëshirë t’i përshëndesë njerëzit e lagjes në rrugë dhe ndihet veçanërisht krenar që edhe ata e përshëndesin.
“Unë i dua fqinjët e mi sikur të ishin familja ime”, thotë ai.
Kjo shpreh në një mënyrë të veçantë dashurinë dhe afërsinë që ekziston mes banorëve të lagjes.
Pica më e mirë në qytet
La Sorpresa njihet për picat më të mira të lagjes dhe në shumë vlerësime të klientëve është lavdëruar si “vendi ynë i preferuar”.
Një prej komenteve thotë:
“Ushqim i shijshëm dhe shërbim jashtëzakonisht i mirë. Pica më e mirë në Amager :)”.
Një klient tjetër vlerëson cilësinë:
“Brumë krokant dhe përbërës gjithmonë të freskët”.
Megjithatë, në shumicën e komenteve është vetë Fadili ai që shkëlqen në sytë e klientëve. Ai përshkruhet si “shumë i sjellshëm dhe i kujdesshëm”. Picat marrin vlerësimin “5 nga 5”, ndërsa pronarët miqësorë dhe përkushtimi ndaj komunitetit vlerësohen me “10 nga 5 pikë të mundshme”.
Shumë më tepër se një njohës i picave
Fadili kujdeset gjithashtu për njerëzit e lagjes. Ai i mbështet dhe i ndihmon sidomos personat më të cenueshëm dhe ata që nuk kanë shumë mundësi. Ai parapëlqen gjithmonë një tavolinë më të gjatë, ku mund të ulen më shumë njerëz, sesa një karrige më të lartë vetëm për veten.
La Sorpresa sponsorizon edhe dy ekipe futbolli: klubin tonë Fremad Amager dhe një ekip nga Ballerupi. Ky i fundit e ka falënderuar publikisht La Sorpresa-n, ndër të tjera, për ndihmën në mbulimin e shpenzimeve të ekipit dhe për furnizimin e klubit me ushqim dhe akullore gjatë festës së mbylljes së sezonit.
Fadili është më shumë se një fqinj i paçmuar; ai është një bashkëpunëtor i vërtetë, pasi restoranti i tij lidhet shpesh edhe me ambientet e Tingkroen-it. Tingkroen dhe La Sorpresa ndodhen pranë njëra-tjetrës në Tingvej dhe po kështu ndihet edhe në jetën e përditshme.
Pavarësisht nëse je skaut, fqinj, mysafir i lokalit apo thjesht po shkon në një koncert, po kthehesh në shtëpi, po vazhdon rrugën ose po shkon në një festë, shtëpia e Fadilit është edhe shtëpia jote.
Ai është vërtet një njeri i rrallë.
Shkrimi i plotë danisht:
LA SORPRESA
Tekst: Michelle Kimi | Foto: Fadil Tairi | Foto- & tekstredigering: Selma Ranløv
På Tingvej 43 finder du byens bedste pizzeria – nemlig La Sorpresa.
La Sorpresa ejes af Fadil Tairi og har eksisteret siden 2018. Fadil kom til Danmark i 2015, og på få år er han blevet en fast del af hverdagen på Tingvej. Her kender folk ham ikke kun som manden bag disken eller ovnen, men som Fadil, der altid hilser på gaden, følger med i kvarteret og gør sig umage med de mennesker, der kommer forbi.
Fadil har en skøn kone, bror og to fantastiske børn, og familien er en del af fortællingen om La Sorpresa, fordi stedet er mere end en forretning, men et sted, der er båret af mennesker – både foran og bag disken.
Kvarterets mand
Fadil elsker at hilse på sine medmennesker på gaden og er særligt stolt af, at alle også hilser på ham; “Jeg elsker mine naboer, som var de min familie,” fortæller han. Det udtrykker nemlig den kærlighed, der er iblandt os i kvarteret, på en helt særlig måde.
Byens bedste pizza
Kendt for at lave kvarterets bedste pizza, er La Sorpresa i flere brugeranmeldelser rost til skyerne, og omtalt som; “vores favorit sted.” med begrundelse af bl.a.; “Lækkert mad og super god service. Bedste pizza på Amager :)”.
En anden fremhæver kvaliteten: “Sprød pizzabund, altid friske råvarer”, men gennemgående er det Fadil selv som stråler hos kunderne, beskrevet som “rigtig flink og betænksom”, hvor pizzaerne får “5 ud af 5”, mens de flinke ejere og det lokale engagement får “10 ud af 5 mulige”.
Mere end en pizza-connoisseur
Fadil er også god til at holde styr på kvarteret. Han støtter folk og hjælper særligt de mere svage og dem, som ikke har så meget – Han vil altid hellere have et længere bord end en højere stol.
La Sorpresa sponsorerer også to fodboldhold, vores helt eget Fremad Amager og Ballerup, hvor sidstnævnte har offentligt takket La Sorpresa for at bl.a. være med til at dække udgifterne for holdet, og at forsyne klubben med mad og is til deres afslutningsfest.
Mere end en uvurderlig nabo, så er Fadil nærmere en samarbejdspartner, da hans restaurant ofte indbefatter kroens lokaler. Tingkroen og La Sorpresa ligger side op og ned ad hinanden på Tingvej, og sådan føles det også i hverdagen: Uanset om du er spejder, nabo, værtshusgæst eller bare på vej til koncert, hjem, videre eller til fest, så er Fadils hjem dit hjem.
Han er en ægte ener.
