Tetovë: 90-vjeçari denoncon mashtrim me një kartëmonedhë të falsifikuar prej 50 eurosh
Më 8 tetor 2026, në orën 14:00, në Stacionin Policor Tearcë, një 90-vjeçar nga një fshat i Tetovës ka denoncuar se është mashtruar për shumën prej 3.000 denarësh.
Sipas denoncimit, më 7 tetor, në Tetovë, një person i është afruar dhe i ka kërkuar t’i këmbente 50 euro. I moshuari i ka dhënë 3.000 denarë dhe në këmbim ka marrë një kartëmonedhë prej 50 eurosh.
Pasi është kthyer në shtëpi, ka vërejtur se kartëmonedha ishte e falsifikuar.
Policia po ndërmerr masa për zbardhjen e rastit./SPB Tetovë
Gostivar: 16-vjeçari nga Çegrani kapet duke drejtuar “Audi” pa patentë dhe pa dokumente të automjetit
Më 8 tetor, në orën 15:45, në Rrugën e Ilindenit në Gostivar, zyrtarët policorë kanë arrestuar një 16-vjeçar nga Çegrani.
Gjatë një kontrolli në trafik është ndaluar një automjet “Audi” me targa bullgare, i drejtuar nga i mituri. Është konstatuar se ai e drejtonte pa patentë shoferi dhe pa dokumentet përkatëse të automjetit.
Automjeti është konfiskuar. Pas dokumentimit të rastit do të parashtrohet kallëzimi përkatës./SPB Tetovë
Gostivar: Arrestohet 27-vjeçari, dyshohet se hodhi marihuanën pasi pa patrullën policore
Më 8 tetor, në orën 12:10, në rrugën “Kej Vardar” në Gostivar, zyrtarët policorë të Ekipit Mobil “Task Force” pranë DPB Gostivar kanë arrestuar M.R. (27) nga Gostivari.
Sipas policisë, pasi kishte vërejtur patrullën policore, ai kishte hedhur një paketim me marihuanë. Paketimi është gjetur dhe konfiskuar për procedurë të mëtejshme.
27-vjeçari është ndaluar në stacionin policor. Pas dokumentimit të rastit, ndaj tij do të parashtrohet kallëzimi përkatës./SPB Tetovë
Tetovë: 47-vjeçari nga Poroji denoncon sulm fizik në rrugën Tetovë–Jazhincë
Më 8 tetor, në orën 12:10, në SPB Tetovë, B.J. (47) nga Poroji ka denoncuar se rreth orës 12:00 është sulmuar fizikisht në rrugën rajonale Tetovë–Jazhincë.
Sipas denoncimit, sulmi është kryer nga një 30-vjeçar nga i njëjti fshat dhe i ka shkaktuar lëndime, të konstatuara në Spitalin Klinik të Tetovës.
Policia po ndërmerr masa për zbardhjen dhe dokumentimin e rastit./SPB Tetovë
Tetovë: 25-vjeçari denoncon sulm pas përplasjes së automjeteve në një parking
Më 8 tetor, në orën 21:00, në SPB Tetovë, I.I. (25) nga Treboshi ka denoncuar se rreth orës 20:00 është sulmuar fizikisht në rrugën “Iliria” në Tetovë.
Sipas denoncimit, një person, duke dalë nga parkingu me një automjet “Hyundai”, kishte goditur automjetin e tij. Pasi 25-vjeçari i kishte propozuar të merreshin vesh për dëmshpërblimin, personi e kishte sulmuar fizikisht.
Policia po ndërmerr masa për identifikimin dhe gjetjen e personit të denoncuar, si dhe për zbardhjen e rastit./SPB Tetovë
Gostivar: 44-vjeçari nuk ndalon në shenjën e policisë, kapet duke drejtuar pa patentë
Më 8 tetor, në orën 17:10, në rrugën “Nikolla Tesla” në Gostivar, zyrtarët policorë kanë arrestuar L.S. (44) nga Gostivari.
Sipas policisë, ai drejtonte një automjet “Citroën” me targa të Gostivarit dhe në rrugën “Zheleznicka” nuk ishte ndalur në shenjën e dhënë për ndalim.
Pasi është arritur dhe ndaluar nga policia, është konstatuar se drejtonte pa patentë shoferi.
Automjeti është konfiskuar. Pas dokumentimit të rastit do të parashtrohet kallëzimi përkatës./SPB Tetovë
Gostivar: Arrestohet 68-vjeçari, drejtonte moped pa patentë
Më 8 tetor, në orën 13:40, në rrugën “Hekurudha” në Gostivar, zyrtarët policorë kanë arrestuar Xh.D. (68) nga Gostivari.
Gjatë kontrollit në trafik është konstatuar se ai drejtonte një moped “Jijing” me targa të Gostivarit pa e pasur të drejtën për drejtimin e mjetit, përkatësisht pa patentë shoferi.
Mopedi është konfiskuar. Pas dokumentimit të rastit, ndaj tij do të parashtrohet kallëzimi përkatës./SPB Tetovë
Gostivar: 62-vjeçari denoncon se është sulmuar nga tre persona
Më 8 tetor, në orën 12:20, në DPB Gostivar, R.M. (62) nga Gostivari ka denoncuar se më 27 shtator 2026 është sulmuar fizikisht në rrugën “Kej Vardar” në Gostivar.
Sipas denoncimit, atë e kanë sulmuar S.N. dhe dy persona të tjerë.
Policia po ndërmerr masa për zbardhjen dhe dokumentimin e rastit./SPB Tetovë
