Me një ceremoni e nderime të larta shtetërore është varrosur sot trupi i pajetë i Kryetarit të Federatës së Futbollit të Kosovës, Fadil Vokrri.
Fadil Vokrri ndërroi jetë në mëngjesin e së shtunës që e lëm pas, si pasojë e një ataku në zemër, ndërsa u përcoll sot për në banesën e fundit në varrezat e lagjes Arbëria, njofton Klan Kosova.
Në ceremoninë e varrimit të tij, u panë të pranishëm krerë të lartë shtetërorë e mijëra qytetarë të tjerë përfshirë këtu edhe drejtues të klubeve në të cilën Fadil Vokrri kishte nisur karrierën e tij prej një futbollisti.
