Kosovari i vrarë është një i ri nga Vushtrria. Viktima është Hysen Kaçanolli.
Familja e vushtrriasit, në Kosovë, gjatë kësaj jave janë njoftuar për vdekjen e tij.
Express ka publikuar një fotografi të Kaçanollit, derisa ishte i gjallë dhe ndodhej në Siri.
Në foto ai shihet i veshur me rroba të ushtrisë, derisa shumë pranë ka një armë automatike.
Ndryshe, deri më tani, numri i shtetasve të Kosovës të vrarë në Siri e Irak, raportohet të jetë rreth 80, nga afër 200 prej të cilëve raportohet se ndodhen ende në zonat e konflikteve në Azi.
Ndërkohë, po sot Prokuroria Speciale e Kosovës ka ngritur aktakuzë për terrorizëm ndaj Murat Dernjanit. Ai dyshohet se ka qenë pjesë e ISIS’it.
Shtetasi gjerman ishte arrestuar gjatë këtij viti në Turqi. Ai dyshohet të ketë qenë bashkëpunëtor i ngushtë i Lavdrim Muhaxherit, kryeterorristit shqiptar të vrarë në Siri.
Kosova është e ranguar në mesin e shteteve me numrin më të madh të qytetarëve që iu kanë bashkuar organizatave terroriste “ISIS” e “Al-Nussra” në Siri e Irak, krahasuar me numrin e përgjithshëm të banorëve.
