Dje në ora 16 e 55 minuta, në rrugën lokale për në fshatin Saraqinë të Tetovës, pas urës së lumit Shkumbin, ka ndodhur aksident trafiku në mes të veturës “Pezho 307” me targa të Tetovës, e drejtuar nga 42-vjeçari G.M. nga fshati Saraqinë dhe vetura e tipit “Folkcvagen Polo” me targa të Shkupit, e drejtuar nga 53-vjeçari A.H. nga fshati Bojanë e Shkupit.
Në këtë aksident lëndime të rënda trupore ka pësuar shoferi i makinës “Polo” A.H. i cili me automjet tjetër është dërguar për ndihmë mjekësore në Spitalin Klinik të Tetovës.
Inspektim në vendin e ngjarjes, ka kryer ekipi inspektues nga SPB Tetovë.
