Ka diplomuar sot në Universitetin e Evropës Juglindore në Tetovë, gjenerata e 15 e studentëve të pesë faklulteteve të UEJL, të cilët, kanë hedhur sot kapelat e tyre. Në praninë e familjarëve të tyre, këta student i ka përshëndetur edhe rektori i UEJL-së Abdylmenaf Bexheti, i cili, fillimisht ka kërkuar falje nga studentët nëse nuk është bërë aq sa duhet për ta, gjatë katër viteve të studimit. Bexheti më tej ka prorositur absolventët e këtij Universiteti që të mos kapen për rrugët e Evropës, për ta kërkuar ardhmërinë e tyre, sepse, sipas Bexhetit, punsueshmëria e studentëve që diplomojnë në UEJL, është në përqindje tejet të lartë.
“Mos shikoni me të parën me të parën t`ia mësyni perëndimit, sepse nuk ju pret atje mjaltë, ashtu siç na prezantohet. Nëse shkoni andej mos harroni se një ditë do të ktheni këndej, historia e mesjetës na ka mësuar se migrimi ka ekzistuar dhe eksiston. Njerëzit vazhdojnë të lëvizin dhe këto lëvizje janë normale, por këto nuk duhet të jenë një kahëshe dhe pa kthim, që të mos mbetem vetkritik dhe të ligjeroj si klerikët që shprehen bëni si them unë por jo si bëj unë, këtë e vërtetoj nga përvoja ime familjare me dy fëmijët e mijë që jetojnë në Vjenë por bëjnë punët dhe biznes në Maqedoni. Këtë duhet ta mendoni edhe ju”.-u shpreh Abdylmenaf Bexheti, rektor i UEJL-së
