Ballina Top Lajm Nobeli për Letërsinë, Rama: Më vjen për të vjellë

Nobeli për Letërsinë, Rama: Më vjen për të vjellë

Kryeministri Edi Rama reagoi në rrjetet sociale pas shpërndarjes së Çmimeve Nobel për Letërsinë. Akordimi i këtij çmimi për shkrimtarin austriak, Peter Handke ka shkaktuar mjaft reagime të ashpra.

Edhe kryeministri shqiptar thotë se i vjen për të vjellë nga ky vendim.

“Kurrë nuk e kisha menduar se do kisha ndjesinë e të vjellës për shkak të një Çmimi Nobel, por paturpësia po bëhet pjesë normale e botës ku jetojmë. Pas zgjedhjes skandaloze të bërë nga një autoritet moral si Akademia e Nobelit, turpi është vulosur si një vlerë e re. Jo, ne nuk do të heshtim përballë racizmit dhe genocidit”, shkruan Rama.

Ndërkohë edhe Akademia e Shkencave dhe e Arteve e Kosovës tha se është e zhgënjyer thellësisht me ndarjen e sivjetshme të Çmimit Nobel për Letërsi për shkrimtarin austriak, Peter Handke.

Handke njihet si figurë kundërthënëse, për shkak të mbështetjes së tij për politikat e ish-presidentit të Serbisë, Sllobodan Millosheviç.

@tn.lajmelokale
@tetovanews