Ballina Kronika Dy të rinjtë vjedhin kalin, i zoti i denoncon në emision, të...

Dy të rinjtë vjedhin kalin, i zoti i denoncon në emision, të nesërmen ia kthejnë dhe e lënë para shtëpisë (VIDEO)

Më datë 6 Janar, emisioni Stop në Tv Klan denoncoi vjedhjen e kalit të qytetarit Florjan Halicukaj në fshatin Derragjat të Shkodrës, ngjarje e ndodhur më 15 Shtator 2020.

Stop publikoi edhe pamjet e kamerave të sigurisë, ku dukeshin dy djemtë të rinj që kishin marrë kalin. Policia kishte nisur hetimet për këtë vjedhje, por pavarësisht nuk kishte mundur të identifikonte dy autorët edhe pse ishin mëse të dukshëm në pamjet e kamerave të sigurisë.

Por, pas transmetimit të rastit në emisionin Stop, qytetari Florjan Halicukaj thotë se të nesërmen e ka gjetur kalin në shtëpi.

Dy të rinjtë që e kishin marrë, e kishin kthyer sërish por pa e njoftuar pronarin.

“Pas transmetimit tuaj, e panë në televizor, kali më është sjellë gjatë natës edhe në mëngjes, kur jam zgjuar, kam dalë me kry punët e mia dhe kam vrejt kalin në oborr. Falë jush kali më erdhi. Shumë faleminderit prej emisionit tuaj. Si e kanë marr e si kanë pru”, është shprehur ai.

@tn.lajmelokale
@tetovanews