Reshje bore do të përfshijnë Republikën e Kosovës duke filluar sonte pas mesnate ose orët e hershme të mëngjesit në disa zona, ndërsa deri nesër pasdite bora do të fillojë edhe në viset e ulëta të Dukagjinit.
Në Rrafshin e Kosovës pritet shtresa paksa më të theksuara, ndërsa në Dukagjin më të pakta. Në viset kodrinore-malore pritet stuhi e dhe atmosferë klasike dimërore.
Normalisht disa zona më të ulëta në Dukagjin dhe rajonin e Shkupit mund të mbesin pa shtresa bore.
Edhe në shumë zona urbane të Kosovë pritet atmosferë dimërore, ndërsa reshje bore do të fillojnë edhe në verilindje, lindje dhe juglindje të Shqipërisë dhe më vonë edhe në Maqedoninë e Veriut. Bora do të zbardh edhe Luginën e Preshevës dhe normalisht veriun e Malit të Zi.
Siç theksuam edhe mbrëmë asnjë model nuk mund të jetë plotësisht i saktë, por afërsisht. Në viset e ulëta nga 2 deri në 15 cm, borë, ndërsa në viset kodrinore-malore nga 15 deri në 30, madje mund të ndodhë deri në 40 cm në ndonjë rajon malore. Edhe në ndonjë zonë të ulët mund të ndodhë deri në 20 apo 25cm.
Vonë pasdite dhe në mbrëmje pritet të zbardhen edhe shumë ultësira në Maqedoninë Veriore dhe Luginën e Preshevës me përjashtime të caktuara sigurisht.
Pra, para nesh goditja e parë serioze dimërore, me reshje bore. Në viset kodrinore-malore dimër i vërtetë, por edhe në disa ultësira.
Të dielen ftohtë, ndërsa reshjet rrallohen dhe vazhdojnë si rrebeshe lokale të borës kryesisht në viset kodrinore-malore. Të hënën dhe të martën rritje graduale e temperaturave dhe reshje bore të cilat shumë shpejt do të shndërrohen në shi.
