Gruaja që humbi jetë në aksidentin tragjik sot në Peshkopi ishte një infermier në Spitalin Rajonal të Dibrës. Vetë spitali ka shprehur ngushëllimet për humbjen e Arta Çerës.
Institucioni shpreh ngushëllimet më të sinqerta për familjen, të afërmit dhe kolegët e saj, ndërsa nënvizon se stafi i Spitalit Rajonal Dibër do të qëndrojë pranë familjes në këto momente të vështira.
Reagimi:
Me hidhërim të thellë njoftojmë se si pasojë e një aksidenti të rëndë automobilistik është ndarë nga jeta kolegja jonë e dashur dhe e përkushtuar, Arta Çera.
Si një infermiere e shkëlqyer në pavionin e reaminacionit, ajo ishte një shembull i vërtetë i përkushtimit, humanizmit dhe profesionalizmit në çdo hap të punës së saj të përditshme.
Spitali Rajonal Dibër i shpreh ngushëllimet e sinqerta familjarëve, të afërmve, miqve dhe kolegëve.
Stafi i Spitalit Rajonal Dibër jemi të gjithë me ju në këto ditë të vështira dhe ju sigurojmë për mbështetjen tonë të plotë.
Qoftë i paharruar kujtimi i saj!
Tetova News në YouTube:
