Shkëndija ka humbur derbin përballë Vardarit, me skuadrën nga kryeqyteti që fitojë me rezultat 1:0 në Tetovë në ndeshjen e vlefshme për xhiron e 10-të në Ligën e Parë të futbollit në Maqedoninë e Veriut. Golin e vetëm të ndeshjes dhe të fitores për Vardarin e shënoi David Babunski në minutën e 49-të kur ishte i saktë nga penalltia. Deri në fund kuqezinjtë e trajnerit Jeton Beqiri tentuan të barazojnë rezultatin, madje Besart Ibraimi arriti të dërgoj topin në rrjetë, por goli i tij u anulua për pozicion jashtë loje. Me këtë triumf Vardari merr kryesimin e renditjes me 24 pikë, teksa Shkëndija mbetet në vendin e katërt me 21 pikë. Kjo ishte ndeshja e fundit e xhiros së 10-të në elitë, teksa xhiroja e radhës në program është me 29 tetor.
