Ndërroi jetë Liman Kurtishi, profesori dhe veprimtari që dha kontribut në themelimin e Universitetit të Tetovës. Lamtumira e fundit iu dha dje në varrezat e fshatit Sellcë.
Liman Kurtishi është i lindur në f. Sellcë, Komuna e Tetovës. Arsimin fillor e ka kryer në fshatin e lindjes (në SHF “Rilindja”) dhe në shkollën fillore “Istigball” në Tetovë, ku e ka përfunduar edhe shkollën e mesme në gjimnazin “Kirill Pejcinoviq”. Në vitet 1972-77 (me një ndërprerje njëvjeçare për shkaqe shëndetësore) studioi në Fakultetin Ekonomik në Universitetin e Prishtinës, ku
pas diplomimit e mori edhe thirrjen shkencore “Magjistër i shkencave ekonomike”.
Në periudhën 1978-1988 punoi si professor i lëndëve ekono- mike në Shkollën e Mesme Teknike “Mosha Pijade” -Tetovë, prej ku – për shkak të vazhdimësisë së praktikimit të evidences pedagogjike në gjuhën shqipe, si dhe për shkak të mbajtjes së mësimit në gjuhën shqipe në të ashtuqua- jturat” paralele të përziera” – në fillim të vitit kalendarik 1988 u përjashtua nga puna. Nga kjo kohë e deri në pranverën e vitit 1989 u vetëdekdis kah sytë këmbët si punëtor krahu, për të siguruar mirëqenien familjare: më 1989-1991 do të punojë si përfaqësues tregtar me shumicë në Ndërmarrjen Shtetërore “Banjat e Kllokotit” – Viti, më pas, në vitet 1991-1992, ka punuar si përfaqësues tregtar me shumicë në Ndërmarrjen Private “Drithniku” në Lipjan. Në po këtë periudhë kohore ka qenë edhe shef kontabiliteti në disa ndërmarrje, si: “Dajti”, “Nektar”, “Skampa”, “Uskana”, “Marketeksport” etj.
Libri ka vlera historike dhe arkivore për shkak të publikimi të disa dhjetëra tabelarë, proces verbalë, faksimilë, deklarata, fatura…!
Gjatë viteve 1992-1997 e ka ushtruar detyrën e nënk- ryetarit në Kuvendin e Komunës së Tetovës. Nga janari e deri më 31 gusht 1998 e ka kryer detyrën e këshilltarit për veprimtari shoqërore në Kuvendin Komunal të Tetovës, ndërsa nga shtatori 1998 e deri në mars 1999 ka qenë professor i lëndëve ekonomike në shkollën e mesme “8 Shtatori” në Tetovë, një detyrë të cilën e ka ushtruar në këtë shkollë të mesme edhe në periudhën kohore 2008-2019. Në periudhën mars 1999 – qershor 2000 ka qenë zëvendësdrejtor i Drejtorisë së të Hyrave Publike të RM-së. Krahas detyrave publike e private paraprake, vullnetarisht dhe pa kompensim financiar e ka kryer detyrën e shefit të kontabilitetit në Universitetin e Tetovës që nga themelimi
e deri në prill të vitit 1998. Këtë funksion e ka kryer edhe dy here të tjera, përkatësisht nga prilli i vitit 2002 e deri në kohën e legalizimit të UT-së, në vitin 2004, si edhe në periudhën kohore korrik – nëntor 2009.
Nga viti 2005 e deri më 2019 e ka ushtruar edhe funksionin e anëtarit të jashtëm në Këshillin Mbikëqyrës në Bankën Popullore të RM-së.
Pas pensionimit, herë-herë banoi në qytetin e Tetovës, por kryesisht jetoi në f. Llacë (pranë Kalasë së Tetovës).
Telegram ngushëllimi nga Universiteti i Tetovës
Të nderuar,
me dhimbje të thellë e morëm lajmin për ndarjen nga jeta të veprimtarit të njohur dhe profesorit të nderuar, Liman Kurtishi.
Përveç veprimtarisë së tij politike dhe atdhetare, ai dha kontribut të çmuar për themelimin e Universitetit të Tetovës në vitin 1994, si dhe në avancimin e arsimit shqip në tërësi.
Kontributi i tij i vyer, në aspektin politik dhe intelektual, ishte i pazëvendësueshëm.
Ai do të kujtohet gjithmonë si atdhetar i palëkundur, veprimtar i përkushtuar kundër çdo tendence diskriminuese ndaj shqiptarëve në Maqedoninë e Veriut dhe më gjerë.
Mbi të gjitha, profesor Limanin, do ta kujtojnë me respekt të thellë studentët, miqtë dhe bashkëpunëtorët e tij, si një intelektual vizionar e këmbëngulës për të drejtat dhe liritë kombëtare.
Në këto momente të vështira, u shprehim ngushëllimet tona më të sinqerta familjes, miqve, bashkëpunëtorëve dhe mbarë opinionit publik.
I përjetshëm qoftë kujtimi i Tij!
Rektori
Prof. Dr. Jusuf Zejneli
Takimi i fundit me Liman Kurtishin , në promovimin e librit të tij!
Prehu në paqë z.Liman Kurtishi, se ju misionin e kryet me nder!
Ngushllime familjes , zonjës Ramie dhe fëmijve Liburnit dhe Rugovës!
Ai ka lënë veprimtari të denjë dhe z’do harrohet kur!
Vorrimi bëhet sot pas ikindisë në fshatin Sellcë!
