Vlorë- Ka ndërruar jetë 32-vjeçari E.Sh, i cili mëngjesin e sotëm u konstatua në gjendje të rëndë shëndetësore në ambientet e dhomave të shoqërimit të Komisariatit të Policisë Vlorë.
Menjëherë i riu u transportua në Spitalin Rajonal Vlorë, ku, në orën 10:05, mjekët kanë konfirmuar se ky shtetas ka humbur jetën.
Paraprakisht dyshohet se 32-vjeçari ka ndërruar jetë si pasojë e arrestit kardiak.
Policia bën me dije se i riu ishte arrestuar dy ditë më parë rreth orës 23:00, për veprën penale “Vjedhja”.
Nën drejtimin e Prokurorisë, vijon puna për sqarimin e plotë të rrethanave dhe dokumentimin ligjor të rastit.
