Gostivar: Automjeti i spitalit godet një 63-vjeçare te hyrja e Urgjencës, ajo lëndohet rëndë
Më 10 tetor 2026, në orën 09:45, policia në Gostivar është njoftuar për një aksident në hyrje të Qendrës Urgjente të Gostivarit.
Një automjet “Mercedes” me targa të Gostivarit, në pronësi të Spitalit të Përgjithshëm të Gostivarit dhe i drejtuar nga F.A. (52) nga Çegrani, ka goditur këmbësoren Z.V. (63) nga Banjica e Epërme.
63-vjeçarja është dërguar në Qendrën Urgjente të Gostivarit, ku i janë konstatuar lëndime të rënda trupore. Për shkak të natyrës së lëndimeve, ajo është transferuar me autoambulancë në Kompleksin e Klinikave “Nënë Tereza” në Shkup.
Këqyrjen e vendngjarjes e ka kryer një ekip i policisë së Gostivarit./SPB Tetovë
Gostivar: 75-vjeçari lëndohet gjatë shkarkimit të një gardhi metalik, dërgohet në Shkup
Më 10 tetor, në orën 12:20, Ndihma e Shpejtë Mjekësore e Gostivarit ka njoftuar policinë se për trajtim ishte sjellë një person i lënduar gjatë punës.
Nga verifikimet është konstatuar se bëhet fjalë për S.I. (75) nga Llakavica e Gostivarit.
Sipas informacioneve paraprake, ngjarja ka ndodhur në një depo për makineri pune pranë pikës së pagesës rrugore të Gostivarit. Gjatë përpjekjes për të shkarkuar një gardh metalik nga një kamion me rimorkio, 75-vjeçari ka rënë nga një lartësi prej rreth një metri dhe ka pësuar lëndime.
Për shkak të seriozitetit të lëndimeve, ai është transportuar në Kompleksin e Klinikave “Nënë Tereza” në Shkup.
Për rastin është njoftuar edhe Inspektorati Shtetëror i Punës. Këqyrjen e vendngjarjes e ka kryer një ekip i policisë së Gostivarit./SPB Tetovë
“Task Force” arreston dy persona në Tetovë dhe Gostivar, gjenden kokainë dhe marihuanë
Më 10 tetor, në orën 22:30, në Qendrën Tregtare të Qytetit në Tetovë, zyrtarët policorë të Njësisë Mobile “Task Force” kanë arrestuar T.S. (29) nga Tetova.
Gjatë kontrollit ndaj tij është gjetur një qese najloni me kokainë. Ai dyshohet për veprën penale “prodhim dhe lëshim i paautorizuar në qarkullim të drogave narkotike, substancave psikotrope dhe prekursorëve”, sipas nenit 215 të Kodit Penal.
Më 11 tetor, në orën 00:10, në Gostivar, zyrtarët policorë të së njëjtës njësi kanë arrestuar L.M. (21) nga Prilepi, me vendbanim në Gostivar. Gjatë kontrollit ndaj tij janë gjetur një qese najloni me kokainë dhe një paketim me marihuanë të mbështjellë me fletë metalike.
Të dy janë ndaluar në stacionin policor. Pas dokumentimit të plotë të rasteve, ndaj tyre do të parashtrohen kallëzimet përkatëse./SPB Tetovë
Zubovc: Arrestohet 53-vjeçari për drejtim pa patentë, i sekuestrohet përkohësisht automjeti
Më 10 tetor, në orën 16:40, në fshatin Zubovc, zyrtarët policorë për siguri në trafikun rrugor në Gostivar kanë ndaluar një automjet “Ford” me targa të Gostivarit, të drejtuar nga B.I. (53) nga Gostivari, me vendbanim në Vranjofc.
Gjatë kontrollit është konstatuar se ai drejtonte automjetin pa e pasur të drejtën për drejtim, përkatësisht pa patentë shoferi.
53-vjeçari është arrestuar nën dyshimin për veprën penale “drejtim i papërgjegjshëm i mjetit motorik”, sipas nenit 297-a të Kodit Penal.
Automjeti është sekuestruar përkohësisht për procedurë të mëtejshme, ndërsa ndaj tij do të parashtrohet kallëzimi përkatës./SPB Tetovë
Tetovë: Arrestohet 30-vjeçari nga Poroji, drejtonte “Mercedes” pa patentë
Më 11 tetor, në orën 03:30, në rrugën “Kthesa e Bërvenicës” në Tetovë, zyrtarët policorë të SPB Tetovë kanë ndaluar një automjet “Mercedes” me targa të Tetovës, të drejtuar nga D.A. (30) nga Poroji.
Gjatë kontrollit është konstatuar se ai drejtonte pa e pasur të drejtën për drejtim, përkatësisht pa patentë shoferi.
30-vjeçari është arrestuar sipas nenit 297-a të Kodit Penal, ndërsa automjeti është sekuestruar përkohësisht. Pas dokumentimit të rastit, ndaj tij do të parashtrohet kallëzimi përkatës./SPB Tetovë
Gostivar: 17-vjeçari nga Zdunja kapet duke drejtuar “Opel” pa patentë
Më 11 tetor, në orën 03:40, në rrugën “JNA” në Gostivar, zyrtarët policorë kanë ndaluar një automjet “Opel” me targa të Gostivarit, të drejtuar nga një 17-vjeçar nga Zdunja.
Gjatë kontrollit është konstatuar se i mituri drejtonte pa e pasur të drejtën për drejtim, përkatësisht pa patentë shoferi.
Automjeti është sekuestruar përkohësisht. Me të miturin është zhvilluar bisedë zyrtare në prani të prindit ose kujdestarit. Pas dokumentimit të rastit do të parashtrohet kallëzimi përkatës./SPB Tetovë
