Njoftime nga SPB Tetovë
Gostivar: Gjashtë të lënduar në aksident me katër automjete, dy 14-vjeçarë dërgohen në Shkup
Më 3 tetor 2026, në orën 22:10, në DPB Gostivar është raportuar një aksident trafiku në kryqëzimin e rrugëve “Kej Vardar” dhe “Tode Bogdanovski” në Gostivar.
Në aksident janë përfshirë një “Golf”, i drejtuar nga E.R. (18), një tjetër “Golf”, i drejtuar nga B.A. (19), një “BMW”, i drejtuar nga M.M. (25), dhe një “Passat” i parkuar, në pronësi të E.S. (54). Të gjithë janë nga Gostivari.
Dy pasagjerë 14-vjeçarë kanë pësuar lëndime të rënda. Pas ndihmës mjekësore në Qendrën Urgjente të Gostivarit, ata janë transferuar në Kompleksin e Klinikave “Nënë Tereza” në Shkup.
Lëndime kanë pësuar edhe drejtuesit B.A. dhe E.R., si dhe pasagjerët A.S. dhe B.L.
Këqyrjen e vendngjarjes e ka kryer ekipi hetimor i DPB Gostivar.
Tetovë: Arrestohet 36-vjeçari, i gjenden kokainë dhe thikë; dy persona denoncojnë kërcënime
Më 3 tetor, në orën 16:45, në rrugën “Kiro Ristoski-Drnc” në Tetovë, zyrtarët policorë të SPB Tetovë kanë arrestuar L.A. (36) nga Tetova.
Gjatë kontrollit ndaj tij janë gjetur dhe konfiskuar dy paketime me kokainë dhe një thikë kuzhine.
Po atë ditë, Xh.A. (65) ka denoncuar në stacionin policor se L.A., në shtëpinë e tyre familjare, e ka kërcënuar duke mbajtur një thikë dhe ka dëmtuar një derë të brendshme.
Më pas, edhe F.B. (22) ka denoncuar se është kërcënuar me thikë nga L.A.
36-vjeçari është ndaluar në stacionin policor për procedurë të mëtejshme. Pas dokumentimit të rastit, ndaj tij do të parashtrohen kallëzimet përkatëse.
Tetovë: Tre të arrestuar pas ndërhyrjeve policore në një bastore sportive
Më 3 tetor, në orën 22:00, në një bastore sportive në rrugën “120” në Tetovë, policia ka arrestuar K.A. (34) nga Tetova. Gjatë kontrollit ndaj tij është gjetur një mjet me mbetje kokaine.
Në lidhje me rastin është arrestuar edhe personi përgjegjës i objektit, S.R. (62) nga fshati Çellopek, nën dyshimin për veprën penale “mundësimi i përdorimit të drogave narkotike”, sipas nenit 216 të Kodit Penal.
Paraprakisht, rreth orës 21:30, në të njëjtin objekt është arrestuar B.T. (70) nga Tetova, për prishje të rendit dhe qetësisë publike me bërtitje, grindje dhe sjellje agresive.
Të tre janë ndaluar në stacionin policor. Pas dokumentimit të rasteve do të parashtrohen kallëzimet përkatëse.
Zjarr mes Çellopekut dhe Miletinës, përfshihet edhe një vresht
Më 3 tetor, në orën 14:20, në Stacionin Policor Zherovjan është raportuar një zjarr në hapësirë të hapur, në vendin e quajtur “Vreshta”, ndërmjet fshatrave Çellopek dhe Miletinë.
Zjarri ka përfshirë rreth 50.000 metra katrorë me bar të thatë dhe kashtë, si dhe një vresht me sipërfaqe rreth 2.800 metra katrorë, në pronësi të Zh.T. (71) nga Çellopeku.
Zjarrfikësit e Njësisë Territoriale Kundër Zjarrit të Tetovës e kanë lokalizuar zjarrin. Nuk ka persona të lënduar.
Këqyrjen e vendngjarjes e ka kryer një ekip i SPB Tetovë.
Pallçisht i Epërm: Arrestohet 45-vjeçari nga Gradeci për drejtim pa patentë
Më 3 tetor, në orën 22:35, në fshatin Pallçisht i Epërm, zyrtarët policorë të Njësisë Policore Kamjan kanë arrestuar A.A. (45) nga fshati Gradec i Gostivarit.
Sipas policisë, ai është kapur duke drejtuar një “Audi” me targa të Gostivarit pa e pasur të drejtën për drejtimin e automjetit, përkatësisht pa patentë shoferi.
Automjeti është konfiskuar, ndërsa ndaj tij do të parashtrohet kallëzimi përkatës sipas nenit 297-a të Kodit Penal.
Zdunjë: 26-vjeçari lëndohet pasi bie nga skela gjatë punës
Më 3 tetor, në orën 13:20, Qendra Urgjente e Gostivarit ka njoftuar Stacionin Policor Gostivar se për trajtim ishte sjellë një person i lënduar.
Nga verifikimet e policisë është konstatuar se N.J. (26) nga fshati Zdunjë, gjatë kryerjes së punëve në lokalin e tij në të njëjtin fshat, ka rënë nga skela dhe ka pësuar lëndime.
Këqyrjen e vendngjarjes e ka kryer një ekip i DPB Gostivar.
Gostivar: Arrestohet 29-vjeçari pasi i gjendet kokainë
Më 4 tetor, në orën 01:20, në rrugën “Ivo Lola Ribar” në Gostivar, zyrtarët policorë të DPB Gostivar kanë arrestuar S.A. (29) nga Gostivari.
Gjatë kontrollit ndaj tij është gjetur dhe konfiskuar një paketim me kokainë.
Ai është ndaluar në stacionin policor. Pas dokumentimit të rastit do të parashtrohet kallëzimi përkatës sipas nenit 215 të Kodit Penal.
Trebisht: 50-vjeçari denoncon sulm fizik nga një person i panjohur
Më 3 tetor, në orën 02:20, në Njësinë Policore Rostushë, V.J. (50), me vendqëndrim në Shkup, ka denoncuar se mbrëmjen e 2 tetorit, rreth orës 22:00, është sulmuar fizikisht në fshatin Trebisht nga një person i panjohur.
Sipas denoncimit, sulmit i kishte paraprirë një mosmarrëveshje verbale ndërmjet nënës së tij dhe M.I. (51), lidhur me fëmijë të mitur që po ngisnin trotinetë në oborrin e tyre.
Policia po ndërmerr masa për zbardhjen e rastit.
