Të gjithë ata që kthehen në Maqedoni përpos gjësendeve dhe bagazhit të tyre, mund të sjellin edhe mallra me vlerë deri 350 euro. Por këtu nuk hyjnë cigaret, pijet alkoolike dhe parfumet, që janë të lejuara në doza më të vogla, informon INA.
Sipas autoriteteve doganore, çdo udhëtar mund të ketë deri në 200 cigare apo 250 gram duhan, një parfum prej 50 ml, një litër pije alkoolike apo 2 litra verë.
Sa i përket asaj se sa para mund të fusin në Maqedoni, çdo udhëtar ka të drejtë të ketë deri në 10 mijë euro para të gatshme, të cilët nuk ka nevojë t`i lajmërojë. Nga ana tjetër, ata që largohen nga vendi duhet të lajmërojnë shuma më të larta se 2 mijë euro, edhe ate me vërtetim nga banka apo këmbimorja.
