Është bërë hapja e katër sallave të reja të operacioneve në Klinikën për sëmundje ortopedike. Drejtori i këtij reparti Ilir Hasani tha se ky është një sukses i madh për mbylljen e këtij viti. Ai shtoi se gjatë kohës se renovimit nuk është ndalur asnjëherë puna. Paratë për riparimin e sallave janë siguruar nga Fondi për Sigurim Shëndetësor, nga Ministria e Shëndetësisë dhe pjesërisht nga fondet Klinikës dhe donacione të ndryshme. Hasani theksoi se kjo është bërë që të ofrojnë kushte më të mira për trajtimin e pacientëve.
Jemi mbledhur këtu për hapjen e sallave të operacionit të Klinikës për sëmundjet ortopedike. Aktivitetin për rinovimin e sallave të operacionit kemi filluar pothuajse një vit përpara. Tri nga katër sallat e operacionit i kemi rinovuar komplet dhe duhet të potencoj se janë rinovuar muret, tavani, dyshemeja elektrostatike me standarde shumë të larta, është bërë klimatizimi i ajrit dhe është ndërruar komplet instalimi i rrymës. Pajisjet ekzistuese janë plotësuar me pajisje të nivelit dhe kualiteti shumë të lartë si dhe është bërë servisimi i të gjitha pajisjeve të cilave i posedojmë këtu” – theksoi Ilir Hasani,drejtor i Klinikës së Ortopedisë.
